బాలా దర్శకత్వంలో ఎన్టీఆర్ సినిమా?

Posted: 08/04/2016 04:41 PM IST

సినిమాలను నిజజీవితానికి దగ్గరగా, హీరోలను అందుకు తగ్గట్లుగా మార్చేసే దర్శకులు చాలా తక్కువ మంది ఇండియన్ ఫిల్మ్ ఇండస్ట్రీలో ఉన్నారు. వారిలో సౌత్ లో చెప్పుకోదగిన వారిలో బాలా ఖఛ్చితంగా ఉంటాడు. తమలోని నటనను పిండి మరీ ఔట్ పుట్ రాబట్టుకునే ఈ స్టార్ దర్శకుడితో పని చేయడానికి హీరోలంతా ఎదురు చూస్తుంటారు. అలాంటిది యంగ్ టైగర్ ఆయనతో సినిమా తీస్తే ఎలా ఉంటుంది.

తన అప్ కమింగ్ ప్రాజెక్టు కోసం పక్కా మాస్ హీరో కోసం వేట జరుపుతున్న బాలా కి తారక్ పై కన్నేశాడన్న వార్త ఇప్పుడు హాట్ టాపిక్ గా మారింది. ఇంతకీ ఈ సినిమా కోసం ఎన్టీఆర్ ను రికమండ్ చేసింది ఎవరో కాదు మళయాళ స్టార్ మోహన్ లాల్ అంట. ప్రస్తుతం జూనియర్, మోహన్ లాల్ జనతాగ్యారేజ్ కోసం కలిసి నటిస్తున్న సంగతి తెలిసిందే.

ఓ చిత్ర షూటింగ్ సందర్భంగా కలిసిన బాలా, మోహన్ లాల్ కు ఒక స్టోరీ చెప్పి దానికోసం మాస్ హీరో కావాలని అడిగాడంట. వెంటనే మోహన్ లాల్ ఎన్టీఆర్ పేరును సూచించడంతో ఆ దిశగా చర్చలు జరిపేందుకు బాలా కూడా పావులు కదిపినట్లు తెలుస్తోంది. అయితే వరుస సినిమాలతో బిజీగా ఉన్న ఎన్టీఆర్ ఆ సినిమా ఒప్పుకోవటం కాస్త డౌటే లేండి. అయినా ఈ క్రేజీ కాంబినేషన్ లో సినిమా గురించి వార్త వచ్చింది చూడండి అది చాలూ అంటూ తారక్ ఫ్యాన్స్ తెగ ఖుషీ అయిపోతున్నారు.