అనుష్క విషయంలో అతి చేయకండి

Posted: 10/21/2016 11:20 AM IST

Why media intrest in anushka shetty marriage

టాలీవుడ్ జేజెమ్మ అనుష్క పాతికేళ్ల వయసులో ఇండస్ట్రీకి వచ్చింది. పదేళ్లు విజయవంతంగా పూర్తి చేసుకుంది. సీనియారిటీతోపాటు బోల్డెంత పేరును సంపాదించుకుంది. అదే సమయంలో గాసిప్స్ కూడా ఆమెను నీడలా వెంటాడుతున్నాయి. తనను ఇండస్ట్రీకి పరిచయం చేసిన హీరో మొదలు, ఆయన తనయుడిని కూడా వదలకుండా అనుష్కకు లింకు లు అంటగట్టడంపై చాలా సందర్భాలలో బాధపడింది.

అదే సమయంలో ఇలాంటివి పట్టించుకుంటే ఇండస్ట్రీలో నెగ్గుకు రాలేమంటూ వాటిని తేలికగా తీసేసుకుంది. అంతేందుకు రీసెంట్ గా వయసులో ముదిరిన బిజినెస్ మెన్ తో పెళ్లి వార్తలు, ఇంట్లో ఒప్పుకోవటం లేదంటూ పుకార్లు, ఓ పెద్ద హీరో అండగా ఉన్నాడంటూ ఇలా కుప్పలు కుప్పలు గాసిప్స్ రావటంతో ఆపండంటూ ఓ స్టేట్ మెంట్ ఇచ్చింది. ఇప్పుడు మళ్లీ ఆమె కళ్యాణ ఘడియలు అంటూ ప్రముఖ ఛానెళ్లు మళ్లీ పుకార్లను లేపుతున్నాయి.

ప్రస్తుతం బాహుబలి-2, నమో వెంకటేశాయ, భాగమతి చిత్రాలతో బిజీగా ఉన్న అనుష్క సమ్మర్ కల్లా ఫ్రీ అయిపోతుందని, కొత్తగా సినిమాలేవీ ఒప్పుకోకపోవటంతో బాజాలు ఖాయమని అందులో సారాంశం. అయితే తాను చెప్పేవరకు ఇలాంటి వార్తలు లేపకండంటూ అనుష్క చెప్పిన విషయాన్ని పట్టించుకోని మీడియా మళ్లీ మళ్లీ అవే చెబుతూ ఆమెకు చికాకు తెప్పిస్తుందని ఆమె కుటుంబ సభ్యులు చెబుతున్నారు. ఈ విషయంలో తానే నోరు మెదిపే దాకా గప్ చుప్ గా ఉండాలంటూ వారు మీడియాకు విజ్నప్తి చేస్తున్నారు.