బన్నీ ఆ జాగ్రత్త తీసకుంటే మంచింది

Posted: 10/19/2016 12:58 PM IST

Bunny take care about duvvada jagannadham

టాలీవుడ్ స్టైలిష్ స్టార్ అల్లు అర్జున్ హరీష్ శంకర్ డైరక్షన్ లో చేయబోతున్న దువ్వాడ జగన్నాథం సినిమా ఈ నెల 20 నుంచి షూటింగ్ ప్రారంభం కాబోతున్న విషయం తెలిసిందే. హైదరాబాద్ లోనే పూర్తిగా ఫస్ట్ షెడ్యూల్ జరుపుకోబుతున్న ఈ చిత్రానికి సంబంధించి ఆర్ట్ డైరక్టర్ రవిందర్ ఇప్పటికే భారీ సెట్ ను కూడా రెడీ చేశాడు. అయితే సినిమా పై వివాదాలు చుట్టుముట్టే అవకాశాలు పుష్కలంగా కనిపిస్తున్నాయి.

మ్యాటర్ ఏంటంటే... ఈ సినిమాలో రెండు షేడ్స్ ఉన్న పాత్రలో బన్నీ నటించబోతున్నాడని, ఒక అవతారంలో బ్రహ్మణ అవతారంలో కనిపించబోతున్నాడని ఇది వరకే చెప్పుకున్నాం. అందుకోసం హెయిర్ స్టైల్ మార్చటంతోపాటు, ఆ భాష, బాడీ లాంగ్వేజ్ కూడా డెవలప్ చేస్తున్నాడంట. గతంలో అదుర్స్ సినిమాలో చారి పాత్రలో ఎన్టీఆర్ ఇదే తరహా రోల్ లో కనిపించాడు. ఆ సమయంలో ఓ పాటతోపాటు, ఎన్టీఆర్ యాక్టింగ్ పై కూడా ఆయా సంఘాలు విమర్శలు గుప్పించాయి.

దీంతో వెనక్కి తగ్గిన దర్శకుడు వినాయక్ పాత్ర వరకు వారిని కన్విన్స్ చేయగలిగాడు గానీ, పాటను మాత్రం మార్చేశాడు. అందుకే అలాంటి వివాదాస్పద అంశాలు లేకుండా చూసుకుంటే మంచిదని బన్నీ అభిమానులు ముందే కొరుకుంటున్నారు. అన్ని కుదిరితే వచ్చే ఏడూ ఏప్రిల్ లో దువ్వాడ జగన్నాథం విడుదలయ్యే అవకాశం ఉంది. చూద్దాం హరీష్ ఆ మేర జాగ్రత్తలు తీసుకుంటాడో? లేక వివాదాలతో ఫ్రీ పబ్లిసిటీ చేస్తాడో?