పూరి సెటైర్ చిరు, మహేష్ మీద కాదు.. మరీ?

Posted: 10/21/2016 05:24 PM IST

పూరీ జగన్నాథ్ తన సినిమాల్లో తన మీదే సెటైర్ వేసుకునే బాపతి. నేనింతే సినిమాలో బ్రహ్మీ క్యారెక్టర్ ను ఇడ్లీ విశ్వనాథ్ అంటూ దర్శకుల వ్యాపకాన్ని కామెడీ కోణంలో చూపే ప్రయత్నం చేశాడు. సినిమా వరకు ఆడకపోయినా ఆ కామెడీని మాత్రం ఇప్పటికీ గుర్తుంచుకుంటారు జనాలు. ఇక తాజాగా పూరీ చిరును ఉద్దేశించి కామెంట్లు చేశాడంటూ వార్తలు గుప్పుమంటున్నాయి. 150వ సినిమాగా ఆటో జానీ ని చేజార్చుకున్న తర్వాత కోపంతోనే ఆ కామెంట్లు చేశాడంటూ కథనాలు వస్తున్నాయి.

లైఫ్ లో రిస్క్ చాలా అవసరం. కొత్త కథలు చేయటం రిస్క్ అనుకునే వాళ్లే రీమేక్ లకు వెళ్తారు అంటూ (చిరును ఉద్దేశించి అన్నాడో లేదో తెలీదు) సెటైర్ వేశాడని చెబుతున్నారు. ఇంకోవైపు మహేష్ లాంటి స్టార్ హీరో వేరే కమిట్ మెంట్ లతో బిజీ అయిపోవటంతో జనగణమన జెండా ఎత్తెసినట్లేనని హర్టయిన పూరీ మహేష్ సినిమా గురించి ఎక్కడా మాట్లాడకుండా సూపర్ స్టార్ అభిమానులకు అవమానపరుస్తున్నాడని చెప్పుకుంటున్నారు. మెగాస్టార్, సూపర్ స్టార్ మరి పవర్ స్టార్ పరిస్థితి ఏంటి?

కెమెరామెన్ గంగతో రాంబాబు సినిమా సమయంలో వచ్చిన పొరపచ్చాలతో పవన్ తో ఇక ఫ్యూచర్ లో జగన్ సినిమా తీయడని అంతా అనుకుంటున్న సమయంలో ఇద్దరమ్మాయిలతో లో ఓ డైలాగ్ పవన్ ను ఉద్దేశించి ఓ నెగటివ్ అర్థం వచ్చేలా డైలాగ్ పెట్టాడు. ఇక ఇప్పుడు ఇజంలో పూరీ చేసిన పని పవన్ కాదని ఎవరూ అనుకోలేరు.

ఇజం సినిమాలో పోసాని మినిస్టర్ పాత్ర పోషించాడు. కామెడీ టచ్ ఉన్న ఈ పాత్ర కనిపించినప్పుడల్లా వెనక అతని పార్టీ గుర్తు కనిపిస్తుంటుంది. అది పవన్ జనసేన గుర్తును పోలి ఉండటంతో ఈ రకంగా పూరీ తన ప్రతీకారం తీర్చుకున్నాడంటూ టాక్ వినిపిస్తోంది. మరి పూరీ చేసిన ఈ చిలిపి ప్రయత్నానికి ఫ్యాన్స్  ఎలాంటి రెస్పాన్స్ ఇస్తారో చూడాలి.