యంగ్ హీరోయిన్ కాస్ట్ లీ కారు కహానీ

Posted: 10/27/2016 04:20 PM IST

టాలీవుడ్ లో సరైన ఆఫర్లు లేక కోలీవుడ్ కి చెక్కేసిన ఓ అచ్చ తెలుగు అమ్మాయి ఇప్పడు అక్కడ స్టార్ హీరోయిన్ గా మారిపోయింది. వరుస హిట్లతో రెండు కోట్ల రెమ్యునరేషన్ తీసుకునే స్థాయికి ఎదిగింది. మరి ఆ రేంజ్ కి ఎధిగినప్పుడు బీఎండబ్ల్యూ లాంటి కాస్ట్ లీ కారు ఆమె సొంతం అవటం పెద్ద విశేషం ఏం కాదు కదా? ఆమె ఎవరో కాదు నటి శ్రీదివ్య.

రవిబాబు మనసారా చిత్రం ద్వారా టాలీవుడ్ కి పరిచయమైన ఈ భామ బస్ స్టాప్ తో మంచి గుర్తింపు పొందింది. కాకపోతే తర్వాత ఆఫర్లే ఆమెను పలకరించలేదు. మల్లెల తీరంలో సిరిమల్లె చెట్టు, కేరింత లాంటి సినిమాలు ఆమె గ్రోత్ కి ఏ మాత్రం ఉపయోగపడలేదు. కానీ, అదే ఆమెకు కలిసొచ్చింది. వెంటనే కోలీవుడ్ లో బడా స్టార్లతో నటించే అవకాశం కొట్టేసింది. రీసెంట్ గా విశాల్ సరసన మరుదు(తెలుగులో రాయుడు) నటించి బిగ్ హిట్ అందుకుంది. ఇక ఇప్పుడు కార్తీ కాష్మోరాలో కూడా సందడి చేయబోతుంది. భారీ బడ్జెట్ సినిమా కదా అందుకే ప్రమోషన్ లో తాను పాల్గొంటోంది.

ఇక కార్యక్రమానికి కాస్ట్ లీ బీఎండబ్ల్యూ కారులో వచ్చిన శ్రీదివ్య చాలా విషయాలనే చెప్పుకొచ్చింది. క్షణం కూడా తీరిక లేకుండా సినిమాలతో గడిపేస్తుందట, అందుకే తెలుగమ్మాయి అయినప్పటికీ, కాష్మోరాకి ఓన్ డబ్బింగ్ చెప్పుకునేందుకు అస్సలు టైం దొరకలేదంట. ఈ అంశంపై విమర్శలు వస్తాయని ముందు జాగ్రత్తతోనే తాను ఈ స్టేట్ మెంట్ ఇచ్చానంటోంది. మొత్తానికి చుట్టపు చూపుగా వచ్చే హైదరాబాద్ లో తిరిగేందుకే ఈ రేంజ్ కారు వాడుతుంటే, ఏ రేంజ్ లో వెనకేసుకుంటుందో మీకు అర్థం కావట్లేదు!