ఈసారి అనసూయా? లేక రష్మీనా?

Posted: 12/14/2016 12:52 PM IST

తెలుగులో యాంకర్ లిస్ట్ లో వీరిద్దరు పేర్లు ఎప్పుడూ టాప్ లోనే ఉంటాయి. ఫ్రెష్ గా ఎన్ని ఫేసులు వస్తున్నా.. వీరి హవా ఏ మాత్రం తగ్గకపోగా, అడపా దడపా సినిమాలతో ఇంకా పెరుగుతూనే ఉంది. అదే సమయంలో వీరిపై గాసిప్స్ కూడా వినిపిస్తుంటాయి. అఫైర్ల దగ్గరి నుంచి ఎక్కడ పడితే అక్కడ రచ్చ రచ్చ చేశారంటూ లేని పోని రూమర్లు వస్తుంటాయి.

అదే సమయంలో వారు వాటిని ఖండించేయటం, మళ్లీ కొత్త వార్త పుట్టుకురావటం ఇలా చక్రంలా గిరగిరా తిరుగుతూనే ఉంది. టాప్ హీరోల కన్నా పెళ్లయి పిల్లలున్న అనసూయ, బ్యాచిలర్ రేష్మీల పేర్లు దాదాపు వినిపించని రోజు ఉందంటే అతిశయోక్తికాదు. తాజాగా వస్తున్న రూమర్లు అయితే మరీ దిగజారి ఉండటం విశేషం.

ఓ రిసార్ట్స్ లో ఓ టాప్ తెలుగు యాంకర్ ముగ్గురు యువకులతో ఎంజాయ్ చేస్తోందంటూ నిన్న ఓ వార్త రాగా, ఇంకో వెబ్ సైట్ ఏమో ఎవరికీ తెలీకుండా ఫారిన్ ట్రిప్ కి చెక్కేసిందంటూ మరో వార్త వచ్చింది. మొత్తంగా ఈ రెండు వార్తలు వాళిద్దరే అనే అర్థం వచ్చేలా వివరణ ఇస్తూ మరి రాశారు. మరి పై రెండింటిలో ఎందులో ఎవరు ఉన్నారన్నది వాళ్లకే తెలియాలి.

ఇక ఈ రెండు వార్తలపై స్పందించేందుకు వాళ్లు నిరాకరిస్తున్నారు. పని పాటా లేనివాళ్లే ఇలాంటి రూమర్లు సృష్టిస్తున్నారని, తమ పేరు వాడుకుంటే చాలన్న ధోరణి ముందు మానుకోవాలంటూ కంబైండ్ గా స్టేట్ మెంట్ ఇచ్చారు ఈ ఇద్దరు యాంకర్లు.