రాజుగారి గది సీక్వెల్ నాగ్ రోల్ అదేనా?

Posted: 02/15/2017 04:12 PM IST

సినిమా సినిమాకు డిఫరెంట్ కథలను ఎంచుకుంటున్న సీనియర్ హీరో నాగ్ ఇప్పుడు మరో కొత్త కథతో రాబోతున్నాడు. ఓం నమో వేంకటేశాయ లో హాథీరామ్ పాత్రలో జీవించేసిన నాగ్ నెక్స్ట్ ఓ హర్రర్ మూవీలో నటించబోతున్న విషయం తెలిసిందే. యాంకర్ కమ్ డైరక్టర్ ఓంకార్ తీయబోతున్న రాజుగారి గది 2 లో ఓ కీ రోల్ పోషించబోతున్నాడని చెప్పుకున్నాం కూడా.

అయితే అది ఓ దెయ్యం పాత్ర అని జస్ట్ గెస్ట్ రోల్ గానే ఉండబోతుందని షూటింగ్ ప్రారంభ సమయంలో వార్తలు వచ్చాయి. దీనిపై అటు నాగ్ కానీ, ఇటు ఓంకార్ గానీ ఏం క్లారిటీ ఇవ్వలేదు. కానీ, చిత్ర యూనిట్ నుంచి ఇప్పుడు అందుతున్న సమాచారం ఏంటంటే.. నాగ్ ఇందులో ఓ వైద్యుడి పాత్రలో కనిపించబోతున్నాడంట. మానసిక వ్యాధితో బాధపడేవారికి కౌన్సిలింగ్ ఇచ్చే వ్యక్తి క్యారెక్టర్ లో అది కూడా ఫుల్ లెంగ్త్ రోల్ అని తెలుస్తోంది. అంటే చంద్రముఖిలో రజనీకాంత్ తరహా పాత్ర అన్నమాట. అంతేకాదు సినిమా కోసం ప్రత్యేకంగా తెప్పించిన ఓ కాస్ట్ లీ బైక్ ను నాగ్ వాడబోతున్నాడంట.  సీరత్ కపూర్ హాట్ ఫోటోలు

మరోవైపు ఈ సీక్వెల్ సీరత్ కపూర్, షకలక శంకర్ ముఖ్యపాత్రలు పోషిస్తుండగా, సమంత కూడా ఓ పాత్రలో కనిపించబోతుందని తెలుస్తోంది. తొలుత దెయ్యం క్యారెక్టర్ అని పుకారు రేగగా, అది ఉత్త రూమరేనని, ఎమోషనల్ గా సాగే ఓ రోల్ కోసమే సమంతను తీసుకున్నట్లు ఓంకార్ చెప్పాడు కూడా. తమన్ సంగీతం అందిస్తున్న ఈ చిత్రానికి పీవీపీ నిర్మాతగా వ్యవహరిస్తున్నాడు.