టాలీవుడ్ ను మోసం చేసింది మరో హీరోనా?

Posted: 03/30/2017 05:07 PM IST

రెండు రోజుల క్రితం ఇద్దరు నైజీరియన్లు ఓ టాలీవుడ్ నటుడి కొంప ముంచటం గురించి వార్తల్లో రావటం తెలిసిందే. ఫేస్ బుక్ లో ఆ హీరోగారిని టార్గెట్ చేసిన వాళ్లు ట్రాప్ చేసి మరీ డబ్బులు లాగటం, ఆపై వ్యవహారం అర్థం కావటంతో సైబర్ పోలీసులను ఆశ్రయించి వారిని ఊచల వెనక్కి నెట్టడం చూశాం. ఇప్పుడు ఇందులో ఓ ఇంట్రెస్టింగ్ విషయం వెలుగుచూసింది. ఈ వ్యవహారంలో మరో హీరో హ్యాండ్ కూడా ఉన్నట్లు విచారణలో వెలుగు చూసిందంట.

ఇద్దరూ కూడా బాల నటుడిగా ఇండస్ట్రీకి ఎంట్రీ ఇచ్చి తర్వాత హీరోలుగా ప్రమోట్ ప్రస్తుతం మంచి ఫ్రెండ్స్ గా ఉన్నారు. మోసపోయిన హీరో ఒకటి రెండు సినిమాలు తీసి సైలెంట్ అయిపోగా, దీనికి అసలు సూత్రధారి అయిన మరో హీరోకి మాత్రం పెద్ద బ్యాగ్రౌండే ఉంది. అతగాడు హీరోగా ప్రమోట్ అయ్యాక డజను సినిమాల దాకా తీశాడు. అయితే సక్సెస్ రేటు దక్కకపోవటంతో ఆల్ మోస్ట్ ఇండస్ట్రీ నుంచి కనుమరుగు అయిపోయాడు. ఈ సమయంలోనే అదృష్టం బావుండి ఓ బిగ్ సినిమాలో నెగటివ్ షేడ్స్ ఉన్న రోల్ దక్కించుకున్నాడు.

ఇదిలా ఉంటే తన ఫ్రెండ్ అయిన తోటి నటుడికి అమ్మాయిల వీక్ నెస్ ఉండటంతో ఇలా నైజీరియన్ గ్యాంగ్ ను రంగంలోకి దింపి డబ్బులు గుంజాడంట. ఇక్కడ ఇంకో విషయం ఏంటంటే.. ఈ నైజీరియన్ గ్యాంగ్ తో గతంలో డ్రగ్స్ రాకెట్ నడిపి ఆ యువహీరోతోసహా బుక్ కావటం. మొత్తానికి విచారణంలో ఈ విస్తూపోయే విషయాలు లీక్ కావటంతో ఆ హీరోలు ఎవరన్న దానిపై అంతా ఆసక్తిగా చర్చించుకుంటున్నారు.