ప్రభాస్ తో యాడ్ అంటే పారిపోతున్నారే!

Posted: 04/03/2017 02:19 PM IST

బాహుబలి దెబ్బకు నేషనల్ వైడ్ గా మోస్ట్ పాపులర్ స్టార్ అయిన ప్రభాస్ ఆ క్రేజ్ ను అలాగే నిలబెట్టుకునేందుకు గట్టి ప్రయత్నాలే చేస్తున్నాడు. సుజిత్ తో తీయబోయే స్టైలిష్ ఎంటర్ టైనర్ కు భారీ బడ్జెట్ వెచ్చించటం, అందులో బాలీవుడ్ స్టార్లతో యాక్ట్ చేయించటం, పైగా మూడు భాషల్లో రిలీజ్ చేయించటం ఈ ప్రయత్నాలన్నీ అందుకు సంకేతమనే చెప్పాలి.

ఇదిలా ఉంటే బాహుబలి ది కంక్లూజన్ కి టైం దగ్గర పడుతుండటంతో బ్రాండ్ కంపెనీలు కూడా ప్రభాస్ కోసం ఎగబడుతున్నాయి. ఫస్ట్ పార్ట్ టైంలో ఒక్కటంటే ఒక్క యాడ్ లోనే మెరిసిన ఈ యంగ్ రెబల్ స్టార్ భారీ రెమ్యునరేషనే పుచ్చుకున్నట్లు తెలిసిందే. ఇక ఇప్పుడు బాహుబలి-2 పై హైప్ ఆకాశంలో ఉండటంతో బాహుబలి ప్రభాస్ క్రేజ్ ను వాడుకోవాలని కొన్ని కంపెనీలు ప్రయత్నాలు మొదలుపెట్టాయి.

అయితే వారికి డార్లింగ్ పెద్ద షాకే ఇస్తున్నట్లు తెలుస్తోంది. ఒక్క యాడ్ చేయాలంటే 10 కోట్లు డిమాండ్ చేస్తున్నాడంట. సాధారణంగా స్టార్ క్రికెటర్లయిన కోహ్లీ, ధోనీ లాంటివాళ్లు, పెద్ద పెద్ద సినిమా స్టార్లు నాలుగు నుంచి 5 కోట్లు, లేదంటే మరో ఒకటో, రెండో కోట్లు డిమాండ్ చేస్తుంటారు. కానీ, మరీ టూమచ్ గా అంత పెద్ద మొత్తం డిమాండ్ చేసే సరికి కొన్ని జడుసుకుని వెనకంజ వేస్తుండగా, మరికొన్ని అసలు సంప్రదించకుండానే సైలెంట్ గా ఉండిపోతున్నాయంట. అయినా యూత్ లో క్రేజ్, భీభత్సమైన ఫ్యాన్ ఫాలోయింగ్, లేడీ ఫ్యాన్స్ వీటన్నింటిలో కోహ్లీ కంటే ప్రభాస్ ఎందులో తక్కువని వీరాభిమానుల కామెంట్.