మహేష్ స్పైడర్ రిలీజ్ డేట్ వాయిదా?

Posted: 04/19/2017 01:12 PM IST

మహేష్ మురగదాస్ ల స్పైడర్ మూవీ రిలీజ్ డేట్ మళ్లీ మారే అవకాశాలు ఉన్నట్లు చిత్ర యూనిట్ నుంచి సమాచారం అందుతోంది. ఫస్ట్ లుక్ విషయంలో లేట్ అయిన టైంలో కూడా జూన్ 23 నే రిలీజ్ డేట్ అంటూ మురగదాస్ అనౌన్స్ చేయగా, దానిని మహేష్ కూడా కన్ఫర్మ్ చేయటం చూశాం. అయితే కథలో మార్పులతో సినిమా డేట్ పోస్ట్ పోన్ అయ్యే ఛాన్సులు ఎక్కువగా ఉన్నట్లు తెలుస్తోంది.

నిజానికి మురగదాస్ ముందుగా రాసుకున్న క్లైమాక్స్ కథానుసారం ఉందంట. అయితే మహేష్ తెలుగులో స్టార్ డమ్ ను పరిగణనలోకి తీసుకున్న దాస్ స్టోరీ మొత్తం మార్చేశాడని లీక్ అందుతోంది. అదే సమయంలో తమిళ్ కు మహేష్ కొత్త అనే విషయాన్ని కూడా మైండ్ లో పెట్టుకుని దానిని కీలకంగా తెరకెక్కించబోతున్నాడని టాక్. కోలీవుడ్ డెబ్యూ మూవీ కావటంతో చాలా కేరింగ్ తో కథను డీల్ చేయబోతున్నాడని చెప్పుకుంటున్నారు.

ఇప్పటికే 85 శాతం షూటింగ్ అయిపోగా మహేష్ పోర్షన్ ఈ నెల ఆఖరులో అయిపోతుందని అంతా అనుకున్నారు. కానీ, క్లైమాక్స్ మళ్లీ మార్చటం నిజం అయితే గనుక రిలీజ్ డేట్ జూలై లేదా ఆగష్టుకు మారటంతోపాటు కొరటాల శివ చిత్రంపై కూడా ఆ ప్రభావం పడుతుంది. దీనిపై అఫీషియల్ అనౌన్స్ మెంట్ కోసం ఎదురు చూడాల్సి ఉంది.