నిహారిక-సాయి ధరమ్ తేజ్ పెళ్లి! నిజమెంత?

Posted: 05/08/2017 03:38 PM IST

ఫిల్మ్ నగర్ లో ప్రస్తుతం ఓ హాట్ న్యూస్ తెగ చక్కర్లు కొడుతోంది. మెగా కాంపౌండ్ లో హీరో హీరోయిన్ల మధ్య ప్రేమ, పెళ్లి అంటూ దాని సారాంశం. మెగా మేనల్లుడు సాయి ధరమ్ తేజ్, మెగా డాటర్ నిహారికలు పెళ్లికి సిద్ధమయ్యారంటూ కొన్ని గంటలుగా సోషల్ మీడియాలో వార్త వైరల్ అవుతోంది.

ఓ ప్రముఖ బాలీవుడ్ మీడియా కథనం తర్వాత ఇది మరింతగా ముదిరింది. నాగ బాబు కూతురు నిహారిక కొణిదెల, సాయి ధరమ్ తేజ్ లు చిన్నప్పటి నుంచి కలిసి పెరిగిన విషయం తెలిసిందే. వరుసకు మరదలు బావ కావటంతో ఇంట్లో వాళ్లు కూడా అభ్యంతరం చెప్పలేదనే టాక్ వినిపిస్తోంది.

నిజానికి నిహారిక డెబ్యూ మూవీ ఒక మనసు షూటింగ్ టైంలో సెట్స్ లో తేజూ సందడి చేశాడు. ఆ మధ్యే వీరిద్దరి మధ్య చనువు గురించి వార్తలు వచ్చాయి. అయితే ఫ్యామిలీ నుంచి వస్తున్న మొదటి హీరోయిన్ కావటంతో మాములుగానే వెళ్లి ఉంటాడని అంతా భావించారు. ఇక ఇప్పుడు ఏకంగా వారిద్దరి మధ్య పెళ్లంటూ కథనాలు వరుసగా వచ్చేస్తున్నాయి.

దీనిపై ఇరు కుటుంబాల నుంచి ఎలాంటి క్లారిటీ రాలేదు. అయితే అదంతా ఉత్తదేనని కొందరు సన్నిహితులు చెబుతుండటం విశేషం. ప్రస్తుతం సాయి జవాను చిత్రంలో నటిస్తుండగా, నిహారిక మరాఠీ హర్రర్ మూవీ హ్యాపీ జర్నీ రీమేక్ లో నటించేందుకు సిద్ధం అయిపోయింది. దీంతో పాటు సాయి ధరమ్ తేజ్ స్వయంగా ప్రోడ్యూస్ చేస్తూ నిహారికతో ఓ సినిమా తీయబోతున్నట్లు ఆ మధ్య వార్తలు కూడా వచ్చాయి. ఈ రూమర్లకు శుభం కార్డు పడుతుందా? లేక ఉత్తదేనని తేలిపోతుందా? చూడాలి.