డీజే ఆ విషయంలో బన్నీ భయపడుతున్నాడా?

Posted: 06/16/2017 12:28 PM IST

మోస్ట్ ఎంటర్ టైనింగ్ యాక్టర్ గా టాలీవుడ్ లో స్టైలిష్ స్టార్ అల్లు అర్జున్ కి ఓ పేరు ముద్ర పడిపోయింది. డాన్సులతోనే కాదు. సింపుల్ యాక్టింగ్, ఫర్ ఫెక్ట్ కామెడీ టైమింగ్, యాక్షన్ లో ఎమోషన్ ఇలా బన్నీలో అన్ని ఫ్లస్ లు ఉండగా, వాటికి సరిపడా కరెక్ట్ కథలు పడుతుండటంతో వరుసగా బ్లాక్ బస్టర్ల తో దూసుకుపోతుంది. ఇక ఇప్పుడు దువ్వాడ జగన్నాథమ్ అలియాస్ డీజేతో మరోసారి ప్రేక్షకులను మెప్పించేందుకు సిద్ధమైపోయాడు.

ఇదిలా ఉంటే బన్నీకి ఇప్పుడు బాగా టెన్షన్ పెడుతున్న రీజన్ ఒకటి బయటికి వచ్చింది. అదే డీజే సినిమాలో చేసిన బ్రాహ్మిణ్ రోల్.ఆ రోల్ లో అసలు తాను జనాలకు కనెక్ట్ అవుతానా? లేదా? అన్నది అనుమానంగా మారిందంట. అందుకు కారణం లేకపోలేదు. ఇంతకు ముందు అదుర్స్ లో చారి గా ఇలాంటి తరహా రోల్ లోనే ఎన్టీఆర్ అదరగొట్టాడు. తారక్ కామెడీ యాక్టింగ్, టైమింగ్ జనాల్లోకి బాగా ఎక్కేసింది కూడా. అలాంటప్పుడు డీజేలో తాను చేసిన రోల్ ను ఖచ్ఛితంగా కంపేర్ చేసి చూస్తారన్న భావనలో ఉన్నట్లు తెలుస్తోంది.

ట్రైలర్ గనుక పరిశీలిస్తే కామెడీ కూడా అంత గొప్పగా ఏం అనిపించటం లేదు. అలాగే స్లాంగ్ లో కూడా కాస్త తేడా కొట్టినట్లు అనిపించకమానదు. అలాంటప్పుడు ఆ పోలిక ఖచ్ఛితంగా సినిమాకు మైనస్ గా మారే అవకాశం ఉందని బన్నీ భావిస్తున్నాడంట. అయితే అదే సమయంలో మరో రోల్ మాత్రం చాలా పవర్ ఫుల్ అండ్ ఎంటర్ టైనింగ్ ఉంటుందన్న ధీమాలో ఉన్నాడు. అందుకే పంథా మార్చి సినిమాను ప్రమోషన్లు చేయాలని మేకర్లకు సూచించినట్లు సమాచారం.