బిగ్ బాస్ 2 హోస్ట్ గా నాని?

Posted: 09/27/2017 06:27 PM IST

బిగ్ బాస్ షో తెలుగులో బిగ్గెస్ట్ సక్సెస్ అయిన రియాల్టీ షోగా రికార్డులు సృష్టించింది. సల్మాన్ ఖాన్ ద్వారా హిందీలో ఎంత పాపులర్ అయ్యిందో తర్వాత కన్నడలో సుదీప్ తో కూడా అదే రేంజ్ లో హిట్టయ్యింది. అయితే కోలీవుడ్ లో మాత్రం కమల్ హాసన్ లాంటి సీనియర్ చేసిన వర్కవుట్ కాకపోవటంతో తెలుగుపై కాస్త డౌట్లు కలిగాయి.

కానీ, తెలుగులో మాత్రం బిగ్ బాస్ ఉహించని స్థాయిలో విజయవంతంగా టెలికాస్ట్ అయ్యింది. యంగ్ టైగర్ ఎన్టీఆర్ వ్యాఖ్యాతగా సూపర్బ్ అనిపించుకున్నాడు. షో డల్ అయినప్పుడల్లా శని ఆదివారాల్లో తారక్ వచ్చి తన మాటలతో మళ్లీ పైకి లేపేవాడు. దీంతో ఫైనల్ వరకు బుల్లి తెర ప్రేక్షకులు చాలా పెరిగిపోయారు. మొత్తానికి ఎన్టీఆర్ ఎమోషనల్ స్పీచ్ తో ముగింపు పలికిన బిగ్ బాస్ తర్వాత సీజన్ వచ్చే ఏడాదిలోనే ఉండబోతుందని స్పష్టమౌతోంది.

మరీ నెక్స్ట్ సీజన్ కి కూడా తారక్ వ్యాఖ్యాతగా వ్యవహరిస్తాడా? ఇది ఇప్పుడు అందరికి కలుగుతున్న డౌట్. వచ్చే ఏడాది కూడా ఇదే స్థాయిలో బిగ్ బాస్ ని నిర్వహించాలని ఫ్లాన్ వేస్తున్న స్టార్ మా నిర్వాహకులు ఫర్ ఏ ఛేంజ్ అఖిల్ ను తీసుకుంటాడనే వార్త చక్కర్లు కొట్టింది. అయితే ఇప్పుడు ఆ ఫ్లేస్ లో నాని వచ్చి చేరాడు. తన నేచురల్ ఫెర్ ఫార్మెన్స్ తో ఇంటిల్లిపాదికి దగ్గరై పోయాడు. అందుకే అతన్ని రిఫరెన్స్ చేస్తారని అంటున్నారు.

కానీ తారక్ ప్లేస్ వచ్చే హీరో ఎవరైనా ఆ షోని భర్తీ చేయటం కష్టమని భావిస్తున్న నిర్వాహకులు అతనితోనే కొనసాగించే అవకాశాలే ఎక్కువ ఉన్నాయి. అధికారిక ప్రకటన వచ్చే వరకు ఇవన్నీ రూమర్లుగానే భావించాలి.