పవన్ సినిమా కోసమే రంగం స్థలం వాయిదా

Posted: 11/15/2017 03:55 PM IST

వాస్తవానికి 'రంగస్థలం' చిత్రాన్ని సంక్రాంతికి సిద్ధం చేయాలని నిర్మాతలు షూటింగ్ తొలి రోజు నుంచే భావించారు. ఈ మేరకు డిసెంబర్ మొదటి వారానికే తొలి కాపీని సిద్ధం చేసి ప్రమోషన్ పనులు ప్రారంభించాలని భావించారు. సరిగ్గా సంక్రాంతి సీజన్ లో త్రివిక్రమ్ దర్శకత్వంలో పవన్ కల్యాణ్ హీరోగా తెరకెక్కుతున్న 'అజ్ఞాతవాసి' చిత్రం విడుదలకు సిద్ధమవుతున్న నేపథ్యంలో, రామ్ చరణ్ 'రంగస్థలం' విడుదలను వాయిదా వేసుకున్నట్టు తెలుస్తోంది. 

తన బాబాయ్ చిత్రం కూడా విడుదల అవుతుండటంతో, పోటీ ఎందుకని భావించి ఫిబ్రవరి చివరి వారానికి చిత్రం విడుదలను వాయిదా వేసుకోవాలని రామ్ చరణ్ నిర్ణయించుకున్నాడని సినీ ఇండస్ట్రీ సమాచారం. ఈ చిత్రంలో రాంచరణ్, గుబురు గడ్డంతో న్యూలుక్ లో కనిపించనున్నాడు. ఇక ఇందులో చరణ్ బధిరుడిగా కనిపిస్తాడని కూడా మరో వార్త హల్ చల్ చేస్తోంది. చిత్ర రిలీజ్ పై అధికారిక ప్రకటన రావాల్సి ఉంది.

కాగా, 'రంగస్థలం' షూటింగ్ కూడా దాదాపు ముగింపు దశకు రావడంతో, ఫిబ్రవరి వరకూ 'సైరా' నిర్మాణ పనులను దగ్గరుండి చూసుకోవాలని చరణ్ భావిస్తున్నాడట. ఇక బాబాయ్, అబ్బాయ్ ల సినిమాలు ఒకేసారి బరిలోకి దిగవని తెలుస్తుండటంతో మెగా అభిమానుల్లో కూడా ఆనందం కనిపిస్తోంది.