టూ స్టేట్స్ రీమేక్ లో రాజశేఖర్ కూతురు?

Posted: 01/08/2018 06:27 PM IST

టాలీవుడ్ సీనియర్ నటుడు రాజశేఖర్ కూతురు శివాని .. హీరోయిన్ గా వెండితెరకి పరిచయం కానుందనే వార్తలు కొంతకాలంగా వినిపిస్తున్నాయి. అయితే ముందుగా ఆమె ఓ తమిళ సినిమా చేయనుందనీ .. ఆ తరువాత తెలుగు సినిమా చేయనుందనే టాక్ వచ్చింది. అయితే ఆమె ముందుగా ఓ తెలుగు సినిమానే చేయనుందనేది తాజా సమాచారం.

ఇది ఓ బాలీవుడ్ హిట్ మూవీకి రీమేక్. బాలీవుడ్లో 2014లో '2 స్టేట్స్' అనే సినిమా వచ్చింది. దీనిని అడివి శేష్ హీరోగా తెరకెక్కించేందుకు సన్నాహాలు మొదలయ్యాయి. ఇందులో హీరోయిన్ గా శివానిని తీసుకోబోతున్నారనే టాక్. ఇందులో ఉత్తరాది భామగా శివాని కనిపించనుందనే చెబుతున్నప్పటికీ.. అధికారిక ప్రకటన రావాల్సి ఉంది.

అభిషేక్ వర్మన్ దర్శకత్వంలో అర్జున్ కపూర్ .. అలియా భట్ జంటగా నటించిన ఈ సినిమా భారీ విజయాన్ని సాధించింది. అలాంటి ఈ సినిమాను తెలుగులో రీమేక్ చేయడానికి సన్నాహాలు జరుగుతున్నాయి. ఈ ప్రాజెక్టుకు సంబంధించిన పూర్తి వివరాలు త్వరలోనే తెలియనున్నాయి.