నా పేరు సూర్య.. కథ ఆ చిత్రం నుంచి తీసుకున్నాడా?

Posted: 01/03/2018 11:43 AM IST

నా పేరు సూర్య.. నా ఇల్లు ఇండియా ఫస్ట్ ఇంపాక్ట్ మాములుగా లేదు. సాలిడ్ గా ఉందంటూ టాలీవుడ్ మొత్తం ప్రశంసలు కురిపిస్తోంది. డేరింగ్ కంటెంట్.. అద్బుతమైన డీవోపీతో ఆకట్టుకున్న టీజర్ అంచనాలను పెంచేసింది. ముఖ్యంగా బన్నీ లుక్కు.. పాత్ర చిత్రీకరణ వైవిధ్యంగా గత చిత్రాలకంటే భిన్నంగా ఉండబోతుందని సంకేతాలు అందించింది.

ఫెరోషియస్ సోల్జర్ పాత్రలో బన్నీ స్క్రీన్ ప్రెజెన్స్ మెస్మరైజ్ చేసేసింది. దేశమంటే విపరీతమైన ప్రేమ.. అలాగే తప్పు చేసే వాళ్లంటే పట్టరాని కోపం.. తన మీద తనకు అదుపులేని సైనికుడి పాత్రలో బన్నీ కనిపిస్తున్నాడు. ఐతే ఒక రెండు దశాబ్దాలు వెనక్కి వెళ్తే ఇలాంటి పోలికలతోనే మరో చిత్రం మనకు టాలీవుడ్ లో కనిపిస్తుంది. అదే సీనియర్ నటుడు రాజశేఖర్ హీరోగా వచ్చిన ‘ఆగ్రహం’ చిత్రం. ఓ ఆర్మీ అధికారి సెలవుల్లో వచ్చి బాధ్యతారాహిత్యంతో ఉన్న జనాల్ని చూసి కోపం పట్టలేకపోతాడు. ఎక్కడికక్కడ తప్పు చేస్తూ కనిపించిన వాళ్లందరినీ కొట్టేస్తుంటాడు. దీని వల్లే అతను చాలా ఇబ్బందులు పడతాడు.

దీంతో నా పేరు సూర్య... చాలా వరకు ఆ సినిమాను గుర్తుకొస్తోంది. అయితే ఇక్కడ దాదాపుగా అంతా మిలిటరీ లోకేషన్లే కనిపిస్తుండటంతో అది కాదనే వారు లేకపోలేదు. యాంగర్ మేనేజ్మెంట్ అనే కాన్సెప్ట్ మినహాయిస్తే ఆ కథకు.. ఈ కథకు ఏమాత్రం పోలిక లేదని చెప్పేవాళ్లు లేకపోలేదు. ఏదిఏమైనా 29 గంటల్లో 10 మిలియన్లకు పైగా డిజిటల్ వ్యూస్ తో బన్నీ ఫస్ట్ ఇంపాక్ట్ మాత్రం దూసుకుపోతోంది. మరి డైరెక్టర్ గా మెగాఫోన్ పట్టిన వక్కంతం వంశీ ఆ కథ స్ఫూర్తితోనే తీర్చిదిద్దుతున్నాడా తెలియాలంటే మరికొంత కాలం ఆగాల్సిందే.