ఇబ్బందుల్లో ఆది కొత్త చిత్రం

Posted: 03/14/2018 02:31 PM IST

డైలాగ్ కింగ్, నటుడు సాయి కుమార్ నట వారసుడిగా ఇండస్ట్రీలోకి అడుగుపెట్టిన ఆది కి ప్రారంభం మాత్రమే అనుకూలించిందని చెప్పుకోవాలి. ఆ తర్వాత చేసిన సినిమాలు చేసినట్లు పోవటంతో.. అతనితో సినిమాలు చేసేందుకు మేకర్లు ఎవరూ ముందుకు రాలేకపోయారు.

ఈ నేపథ్యంలో హర్రర్ థ్రిల్లర్ అంటూ ఆ మధ్య వచ్చిన నెక్స్ట్ నువ్వే కూడా అట్టర్ ఫ్లాప్ అయ్యింది. సోలో హీరోగా వర్కవుట్ కాకపోవటంతో శమంతకమణి లో నటించగా.. అది పెద్ద ఫలితాన్ని ఇవ్వలేకపోయింది.

ఇక అతనితో సినిమాలు చేసుందుకు ఎవరూ ముందుకు రాకపోవటంతో పని అయిపోయిందనుకున్న టైంలో ఓ ఎన్నారై సినిమా తీసేందుకు ముందుకొచ్చాడు. కానీ, ఇప్పుడు అతను కూడా చేతులేత్తేసినట్లు వార్తలు వినిపిస్తున్నాయి. గతంలో చుట్టాలబ్బాయ్ చిత్ర సమయంలో ఇలాంటి సమస్యే ఎదురు కాగా.. సాయి కుమార్ జోక్యంతో సినిమా విడుదలైంది. మరి ఇప్పుడు ఈ చిత్రం సంగతేంటో చూడాలి మరి.