కన్నడ నాట పొలిటికల్ స్టార్ వార్

Posted: 02/07/2014 12:02 PM IST

ఈ మధ్య సినీ నటీ నటులకు కాలం కలిసి రావడం లేదేమో ? అందుకే చాలా మంది శ్రీకాళహస్తికి వచ్చి అక్కడ రాహుకేతు పూజలు చేస్తున్నారు. నిన్న నటి రక్షిత కూడా కాళహస్తికి వచ్చి అక్కడ పూజలు నిర్వహించారు.. వివాహం చేసుకున్న తరువాత సినిమాలకు దూరంగా ఉంటూ హాయిగా సంసారం చేసుకుంటున్న ఈమె రాబోయే ఎన్నికల ద్వారా రాజకీయరంగ్రేటం చేయాలని చూస్తున్న విషయం తెలిసిందే.

ఈ విషయం గురించి  మీడియాతో మాట్లాడుతూ... వచ్చే ఎన్నికల్లో జేడీ(ఎస్) పార్టీ తరుపు నుండి పార్లమెంటుకు పోటీ చేస్తానని, ఆ పార్టీ తరుపు నుండి తప్ప వేరే పార్టీ టిక్కెట్ పై పోటీ చేసేది లేదని స్పష్టం చేశారు. ఇప్పటికే కన్నడ నాట రమ్య ఆ మధ్య జరిగిన ఎన్నికల్లో విజయం సాధించింది. వచ్చే ఎన్నికల్లో కూడా బరిలో నిలవాలని చూస్తుంది.

ఈమె కాకుండా రియల్ స్టార్ ఉపేంద్ర కూడా బీజేడీ పార్టీ నుండి పోటీ చేయాలని అనుకుంటున్నాడు. ఇక్కడ విశేషం ఏంటేంటే వీరు ముగ్గురు కూడా మాండ్య జిల్లా నుండే పోటీ చేయాలనే పట్టుదలతో ఉన్నారు. దీనిని బట్టి చూస్తుంటే ‘మాండ్య ’ లో స్టార్ వార్ తప్పేట్లు లేదని అంటున్నారు.