ఇస్లాం మతంలోకి యువన్ శంకర్ రాజా

Posted: 02/10/2014 05:46 PM IST

ప్రముఖ సంగీత దర్శకుడు అయిన ఇళయరాజ కుమారుడు యువన్ శంకర్ రాజా తన సంగీతంతో సౌత్ సినిమా ప్రేక్షకుల్ని ఉర్రూతలు ఊగిస్తున్న విషయం తెలిసిందే. ఇప్పటికే టాలీవుడ్ లో ఇద్దరు మెగా హీరోల సినిమాలకు సంగీతం అందించిన ఈయనకు తెలుగులో కూడా చాలా మంది ఫ్యాన్స్ ఉన్నారు. ఇతని పై గత కొన్ని రోజులుగా కోలీవుడ్ లో వినిపిస్తున్న వార్తలకు పుల్ స్టార్ పెట్టేకుందుకు వాటి స్పందించాడు.

ఈయన మూడో పెళ్లి చేసుకోబోతున్నాడని వచ్చిన వార్తల పై స్పందిస్తూ ఎలాంటి పెళ్లి చేసుకోబోవడం లేదని, తన తండ్రితో నాకు ఎలాంటి విబేదాలు లేవని, ఇక నుండి తాను ఇస్లాం మతాన్ని పాటిస్తానని, ఆ మతం తీసుకోవడం చాలా గర్వంగా ఫీలవుతున్నానని, దానికి నా కుటుంబ సభ్యుల నుండి పూర్తి సహాకారం ఉందని తెలిపాడు.

ప్రస్తుతం ఈయన సూర్య – సమంతా జంటగా నటిస్తున్న ‘ఆంజాన్ ’ సినిమాకు సంగీతం అందిస్తున్నాడు. కానీ కోలీవుడ్ లో వినిపిస్తున్న వార్తల ప్రకారం యువన్ శంకర్ రాజా మతం మార్చుకోవడం తన తండ్రికి ఇష్టం లేదని అంటున్నారు.