గుళ్లో శఠగోపనం ఎందుకు పెడతారు

Posted: 01/29/2014 02:43 PM IST

గుడికి వెళ్లినప్పుడు దర్శనం అయ్యాక పూజారి నెత్తి మీద శడగోప్యం పెట్టి పంపిస్తాడు. మరి శడగోప్యం పెట్టడం వలన కలిగే ఫలితం ఏమిటి ? ఎందుకు శడగోప్యం పెట్టించుకోవాలి. శడగోప్యం అంటే అత్యంత గోప్యామైనది అని అర్థం. శఠగోపంను వెండి , రాగి, కంచుతో తయారు చేస్తారు. దాని మీద విష్ణువు పాదాలుంటాయి. అంటే మనము కోరికలను భగవంతుడికి ఇక్కడే తెలపాలన్నమాట. దేవాలయంలో దర్శనం అయ్యాక తీర్థం, శఠగోపనం తప్పక తీసుకోవాలి. చాలా మంది దేవుడ్ని దర్శనం చేసుకున్నాక వచ్చినన పనైపోయింది చక, చకా వెళ్ళి ఏదో ఏకాంత నిర్మల ప్రదేశం చూసుకొని కూర్చుంటారు.

కొద్ది మంది మాత్రమే ఆగి, శఠగోపనం పెట్టించుకుంటారు. మానవునికి శత్రువులైన కామమూ, క్రోధమూ, లోభమూ, మోహమూ, మదమూ, మాత్సర్యముల వంటి వాటికి ఇక నుండి దూరంగా ఉంటామని తలుస్తూ తలవంచి తీసుకోవటము మరో అర్థం. శఠగోపనం తల మీద ఉంచినప్పుడు శరీరంలో ఉన్న విద్యుత్‌, దాని సహజత్వం ప్రకారం శరీరానికి లోహం తగిలినప్పుడు విద్యుదావేశం జరిగి, మనలోని అధిక విద్యుత్‌ బైటికెళుతుంది. తద్వారా శరీరంలో ఆందోళనా, ఆవేశమూ తగ్గుతాయి. కాబట్టి దేవాలయాలకు వెళ్ళినప్పుడు తప్పకుండా శడగోప్యం పెట్టించుకోండి. సకల ప్రాప్తిని పొందండి.

Knr