Posted: 09/05/2012 06:11 PM IST

ఐపీఎల్ ఫ్రాంఛైజీ డెక్కెన్ ఛార్జర్స్ టీంని అమ్ముతానంటే కొనేవాళ్ళు కరువయ్యారు. ఈ టీంని కొనేందుకు కనీసం ఎవరూ రావట్లేదని ఛార్జర్స్ టీం పై నిర్ణయం తీసుకోవడానికి అత్యవసరంగా ఏర్పాటు అయిన బీసీసీఐ వర్కింగ్ కమిటీ ఏ నిర్ణయాన్ని వెల్లడించకపోవడం ఈ కారణాలను బలపరుస్తోంది. ఈ ఫ్రాంఛైజీ పై నిర్ణయాన్ని ఈనెల 15 తేదీన జరిగే వర్కింగ్ కమీటీ సమావేశంలో తీసుకోవాలని నిర్ణయించింది. అంతలోపు దీనికి సంబంధించిన ప్రతిక ప్రకటనను ఇవ్వాలని నిర్ణయించింది. అయితే దీనికి సంబంధించిన వ్యవహారాన్ని చక్కదిద్దేందుకు బీసీసీ అధ్యక్షుడు శ్రీనివాసన్ కు పూర్తి అధికారాలు కట్టబెడుతూ బోర్డు ఏకగ్రీవంగా నిర్ణయం తీసుకుంది. అయితే ఛార్జన్స్ జట్టును కొనకపోవడానికి ఆ ఫ్రాంఛైజీ న్యాయపరమైన చిక్కుల్లో చిక్కువడమే కాకుండా, ఆర్థిక సంక్షోభంలో కూరుకుపోవడమే వ్యాపారవేత్తలు ఆ జట్టును కొనడానికి ఆసక్తి చూపలేకపోతున్నారని అంటున్నారు. ఏది ఏమైనా ఒక సారి ఐపీఎల్ కప్ గెలిచిన ఛార్జర్స్ కి, అది మన హైదరాబాద్ జట్టుకి ఇలాంటి పరిస్థితి రావడం బాధాకరమే.