Posted: 09/05/2012 06:32 PM IST

న్యూయార్క్‌లో జరుగుతున్న యుఎస్ ఓపెన్ టెన్నిస్ టోర్నమెంట్లో మిక్స్‌డ్ డబుల్స్ విభాగంలో భారత్ టెన్నిస్ క్రీడాకారులు లియాడంర్ పేస్, సానియా మిర్జాలు తమ తమ జోడీలతో క్వార్టర్ ఫైనల్స్‌లో ఓడిపోయారు. ఈ పరాజయంతో యుఎస్ ఓపెన్ టోర్నీ నుండి ఇద్దరూ నిష్క్రమించారు. మూడో సీడ్ లియాండర్ పేస్ (భారత్)-వెస్నినా (రష్యా) జోడిని చెక్ రిపబ్లిక్ జోడీ లూసీ సెర్మాక్ జంట 6-7 (2), 5-7 స్కోరుతో కేవలం 43 నిమిషాల్లోనే ఓడించింది. ఈ మ్యాచ్‌లో లియాండర్ పేస్, ఎలీనా జంట 67 పాయింట్లు సాధించగా, వీరి ప్రత్యర్థి జోడీ 80 పాయింట్లను సొంతం చేసుకుంది.

అలాగే సానియా మీర్జా తన బ్రిటీష్ భాగస్వామి కోలిన్ ఫ్లెమింగ్‌తో కలిసి బరిలోకి దిగగా నాలుగో సీడ్, చెక్ రిపబ్లిక్ క్రీడాకారిణి క్వెటా పెస్చే, పోలాండ్ క్రీడాకారిణి మర్సిన్ మతోస్కీ చేతిలో వరుస సెట్లలో 6-3, 5-7 స్కోరుతో ఓటమిని చవిచూశారు. సానియా - కోలిన్ జంట ఏకంగా ఎనిమిది బ్రేక్ పాయింట్లను వృధా చేసుకుంది.