Posted: 01/02/2013 11:34 AM IST

పవర్ ప్లేలు లేనప్పుడు 30 గజాల అవతల ఐదుగురు ఫీల్డర్లను పెట్టుకోవడం రెండు దశాబ్దాలుగా బౌలింగ్ జట్టుకున్న సౌలభ్యం... కానీ క్లైవ్ లాయిడ్ నేత్రుత్వంలోని ఐసీసీ కమిటీ ఇటీవల వన్డే క్రికెట్లో కొన్ని మార్పులు చేస్తూ... అందులో భాగంగా పవర్ ప్లేలు లేనప్పుడు వలయం అవతల నలుగు ఫీల్డర్లను మాత్రమే పెట్టేలా నిబంధన తెచ్చింది. ఇది బౌలర్లకు శాపంగా మారుతుందన్నది కొందరి కెప్టెన్ల వాదన (ఆవేదన). మామూలుగానే పరిమిత ఓవర్లో బ్యాట్స్ మెన్స్ దే హవా. పైగా గత కొన్నాళ్ళుగా వారి దూకుడు మరింత పెరిగింది. ఇలాంటి స్థితిలో వలయం అవతల ఓ పీల్డర్ ను తగ్గించడమంటే.. బౌలర్ల అవకాశాన్ని మరింత పరిమితం చేయడమన్నది చాలా మంది వాదన. వన్డే క్రికెట్లో బౌలర్లకు అనుకూలంగా వికెట్లు తయారు చేయడం అరుదు.  సాధ్యమైనంత వరకు ప్లాట్ వికెట్లనే సిద్ధం చేస్తారు. ఇలాంటి వికెట్ల పై ఐదుగురు ఫీల్డర్లు ఉన్నప్పుడే పరగులు కట్టడి చేయడం కష్టం... ఈ సంఖ్యను నాలుగుకి తగ్గించడం బౌలర్ల ఆత్మ విశ్వాసాన్ని మరింత దెబ్బతీసే ప్రమాదముందని అంటున్నారు విశ్లేషకులు.