Posted: 01/03/2013 10:18 AM IST

దక్షిణాఫ్రికా జట్టుతో కేప్ టౌన్ లో జరుగుతున్న టెస్ట్ మ్యాచ్ లో న్యూజిలాండ్ జట్టు దారుణంగా కుప్పకూలింది. టాస్ గెలిచిన కివీ కెప్టెన్ మెక్‌కల్లమ్ బ్యాటింగ్ ఎంచుకున్నాడు. ఇన్నింగ్స్ ప్రారంభమయ్యాక దక్షిణాఫ్రికా పదునైన పేస్ ముందు ఏ దశలోనూ బ్యాట్స్‌మెన్ ఎదురు నిలవలేకపోయారు. తన తొలి ఓవర్ చివరి బంతికి వికెట్ తీసి న్యూజిలాండ్ పతనానికి శ్రీకారం చుట్టిన ఫిలాండర్ ఆ తర్వాత చెలరేగిపోయాడు. ఫిలాండర్ (6-3-7-5) చుక్కలు చూపించడంతో న్యూజిలాండ్ కుప్పకూలింది. తొలి ఇన్నింగ్స్‌లో ఆ జట్టు 19.2 ఓవర్లలో 45 పరుగులకే ఆలౌటైంది. విలియమ్సన్ (13) ఒక్కడే రెండంకెల స్కోరు నమోదు చేశాడు. దక్షిణాఫ్రికా బౌలర్లు చీల్చీ చెండాడంతో న్యూజిలాండ్ జట్టు 19.2 ఓవర్లలోనే 45 పరుగులకు ఆలౌటైంది. దక్షిణాఫ్రికా బౌలర్లలో ఫిలాండర్ కు 5 వికెట్లు, మార్కెల్ 3, స్టెయిన్ 2 వికెట్లు పడగొట్టారు. న్యూజిలాండ్ జట్టులో విలియమ్ సన్ 13 పరుగుల అత్యధిక స్కోరును సాధించాడు. ఆ తర్వాత తొలి ఇన్నింగ్స్ ను ప్రారంభించిన దక్షిణాఫ్రికా జట్టు 2 ఓవర్లలో 3 పరుగులు చేసి కెప్టెన్ స్మిత్ వికెట్ కోల్పోయింది.