డైరీలో ధోనీ...? భజ్జీతో పోలీసులు?

Posted: 05/30/2013 11:49 AM IST

Harbhajan singh to be questioned by mumbai police

బెట్టింగ్‌ వ్యవహారం గురునాథ్‌కే కాదు చెన్నై సూపర్‌ కింగ్స్‌ ఆటగాళ్లకు కూడా చుట్టుకునేలా ఉంది. గురునాథ్‌ వ్యక్తిగత డైరీలో చెన్నై ఆటగాళ్ల పేర్లు రాసుండటంతో ముంబై క్రైం బ్రాంచి పోలీసులు ధోనీ సేను కూడా అనుమానిస్తున్నారు. వారిని కూడా ప్రశ్నించనున్నారు. చెన్నైలోని గురునాథ్‌ ఇంట్లో ముంబై పోలీసులు సోదాలు చేసినప్పుడు డైరీ లభ్యమైన సంగతి తెలిసిందే. మరోవైపు గురునాథ్‌కు ముంబై కోర్టు ఈ నెల 31 వరకు పోలీస్‌ కస్టడీని పొడిగించింది. విందూను, గురునాథ్‌ను ఎదురెదురుగా నిలబెట్టి విచారణ జరపనున్నారు. స్పాట్ ఫిక్సింగ్ ఉదంతంలో ముంబై ఇండియన్స్ స్పిన్నర్ హర్భజన్ సింగ్‌తో పాటు ముగ్గురు చెన్నై సూపర్ కింగ్స్ క్రికెటర్లను కూడా విచారించాలని ముంబై క్రైం బ్రాంచ్ పోలీసులు భావిస్తున్నారు. ‘భజ్జీతో సన్నిహితంగా ఉండమని గురునాథ్‌ను విందూసింగ్ కోరాడనే సమాచారం మా దగ్గర ఉంది. గురునాథ్‌కు చెన్నై జట్టుతో ఉన్న సంబంధాల గురించి ఆ జట్టులోని ముగ్గురు క్రికెటర్లను ప్రశ్నించాలని అనుకున్నాం’ అని ఓ అధికారి తెలిపారు.