సచిన్ షాక్ తిన్నాడట

Posted: 06/01/2013 10:31 AM IST

గత రెండు వారాల నుండి యావత్ క్రీడా ప్రపంచాన్ని కుదిపేస్తున్న ఐపీఎల్ స్పాట్ ఫిక్సింగ్ పై భారత్ కి చెందిన సీనియర్ క్రికెటర్లు ఇంత వరకు ఎవరూ కూడా నోరు విప్పని విషయం తెలిసిందే. ఈ విషయం పై మాస్టర్ బ్లాస్టర్ సచిన్ తొలిసారిగా నోరు విప్పాడు. ఈ ఐపీఎల్ ఫిక్సింగ్ వ్యవహారం తనను దిగ్భ్రాంతికి, అసంతృప్తికి గురిచేశాయని, క్రికెట్‌పై కోట్లాది అభిమానులకున్న నమ్మకాన్ని నిలబెట్టేలా క్రికెటర్లు ప్రవర్తించాలని , ఫిక్సింగ్ వ్యవహారంపై సంబంధిత అధికారులు పారదర్శకంగా చర్యలు తీసుకుని, ఆటపై విశ్వసనీయతను కాపాడాలని సూచించాడు. ఫిక్సింగ్‌ను అరికట్టేందుకు దేశంలోని క్రికెటర్లందరూ కృషిచేయాలని, వారితో తానూ భాగస్వామినవుతానని పిలుపునిచ్చాడు. ఓ క్రికెటర్‌గా తాను నిజమైన స్ఫూర్తితో, పోరాటపటిమతో, అత్యుత్తమ ప్రదర్శన చేయడాన్నే నేర్చుకున్నానని అన్నాడు. భారత్ కెప్టెన్ కూడా నోరు మెదపని ఈ వ్యహారం పై క్రీడా స్పూర్తితో సచిన్ నోరు విప్పడం గర్వించదగిన విషయం.