శ్రీశాంత్ కి బెయిల్ రాలేదు

Posted: 06/04/2013 07:37 PM IST

ఐపీఎల్ స్పాట్ ఫిక్సింగ్ కేసులో అరెస్ట్ అయిన శ్రీశాంత్, చండీలాకు ఢిల్లీ కోర్టు బెయిల్ నిరాకరించింది. వారు దాఖలు చేసిన బెయిల్ పిటిషన్లను న్యాయస్థానం కొట్టివేసింది. వీరిద్దరికి జూన్ 18వ తేదీ వరకూ జ్యుడిషియల్ కస్టడీ పొడిగిస్తూ ఉత్తర్వులు జారీ చేసింది. మిగతా 22 మందికి కూడా ఈ నెల 22వ తేదీ వరకు కస్టడీని పొడగించింది. విందూకు, గురునాథ్ మేయప్పన్‌లకు బెయిల్ మంజూరు చేసి శ్రీశాంత్‌కు నిరాకరించడాన్ని ఆమె వ్యతిరేకించారు. ఇదిలావుంటే, శ్రీశాంత్‌తో పాటు మరో 25 మందిపై ఢిల్లీ పోలీసులు కఠినమైన మోకా నిబంధలను వర్తింపజేస్తున్నారు. మరో పైపు చెన్నై టీమ్‌ ఓనర్‌ గురునాథ్‌ మేయప్పన్‌, బాలీవుడ్‌ నటుడు విందూ ధారాసింగ్‌లకు ముంబై కోర్టు షరతులతో కూడిన బెయిల్‌ మంజూరు చేసింది. 25 వేల పూచీకత్తుపై వీళ్లకు న్యాయస్థానం బెయిల్‌ మంజూరు చేసింది. ఈ ఇద్దరితో పాటు మరో ముగ్గురు బుకీలకు కూడా బెయిల్‌ మంజూరు అయ్యింది. అలాగే ఎట్టిపరిస్థితుల్లోనూ దేశం విడిచి వెళ్లరాదని షరతు విధించింది. వారంలో రెండు రోజులు ముంబై క్రైం బ్రాంచ్‌ ముందు హాజరవాలని కూడా ఆదేశించింది.