హైదరాబాద్ హాట్ షాట్స్ కి సైనా

Posted: 07/22/2013 04:58 PM IST

క్రికెట్ ఇండియన్ ప్రిమియర్ లీగ్ (బీపీఎల్) ఫీవర్ మెల్లిమెల్లిగా అన్ని క్రీడలకు పాకుతుంది. తాజాగా మనదేశంలో బ్యాడ్మింటన్ కి పాకింది. ప్రపంచ దేశాల బ్యాడ్మింటన్ ప్లేయర్లను వేలం వేసింది. మొన్న వాయిదా పడిన ఈ వేలం ఈ రోజు జరిగింది. ఈ వేలంలో వివిధ ఫ్రాంఛైజీలు స్టార్ ఆటగాళ్ళకు భారీ రేటును చెల్లించి పోటీపడి దక్కించుకున్నాయి. ఈ వేలంలో ప్రపంచ నెంబర్ వన్ ఆటగాడు అయిన లీచాంగ్ ని 80.10 లక్షలు చెల్లించి ముంబై మాస్టర్స్ దక్కించుకోగా, మన హైదరాబాదీ స్టార్ అయిన సైనా నెహ్వాల్ ని హైదరాబాద్ హాట్ షాట్స్ ఫ్రాంఛైజీ 71.20 లక్షలకు దక్కించుకుంది. మన మన రాష్ట్రానికి చెందిన క్రీడాకారులైన పారుపల్లి కశ్యప్ ని బంగా బీట్స్ 44.50 లక్షలు చెల్లించి సొంతం చేసుకున్నాడు. ఇదే జట్టు పి.వి. సింధును 47.50 లక్షలతో కొనుగోలు చేసింది. మన రాష్ట్రానికి చెందిన గుత్తా జ్వాల, అశ్వినీ పొన్నప్పలను ఢిల్లీ స్మాషర్స్, పుణె పిస్టన్స్ జట్లు కొన్నాయి. వీరిద్దరూ డబుల్స్ స్పెషలిస్టులు అయినా, ఐబీఎల్లో మాత్రం డబుల్స్ ఉండవు కాబట్టి వీరి బేస్ ప్రైస్ను సగానికి తగ్గించాలని ఫ్రాంచైజీలు కోరాయి. దీంతో జ్వాలకు 18.40 లక్షలు, అశ్వినికి 14.84 లక్షలు లభించాయి. అయితే, వీరిద్దరికీ మిగిలిన మొత్తం కూడా వచ్చేలా చూస్తామని ఐబీఎల్ అధికారులు అంటున్నారు. జ్వాలకు 11.29 లక్షలు, అశ్వినికి మరో 14.84 లక్షలు చెల్లిస్తారు. ఐబీఎల్ టోర్నమెంటు ఆగస్టు 14 నుంచి 31వ తేదీ వరకు దేశంలోని ఆరు ప్రధాన నగరాల్లో జరగనుంది. ఇందులో ప్రపంచంలోని 50 మంది అగ్రశ్రేణి క్రీడాకారులు ఆడతారు. మరి ఈ బీపీఎల్ టోర్నీ క్రికెట్ లాగా సక్సెస్ అవుతుందో లేదో చూడాలి.