ధావన్ దంచి కొట్టాడు..

Posted: 08/12/2013 06:06 PM IST

ఈ మధ్య కాలంలో భారత యువ జట్టు తన సత్తా చాటుతుంది. మొన్న జింబాబ్వే సిరీస్ గెలవడమే కాకుండా, క్లీన్ స్విప్ చేసిన టీం ఇండియా దక్షిణాఫ్రికాతో జరుతున్న ముక్కోణపు సిరీస్ లో కూడా అదే జోరును కొనసాగిస్తుంది. ముఖ్యంగా యువ బ్యాట్స్ మెన్స్ తన సత్తా చాటుతున్నారు. ఈ ముక్కోణపు సిరీస్ లో భాగంగా, దక్షిణాఫ్రికా - ఎ తో జరిగిన మ్యాచ్ లో శిఖర్ ధావన్ రికార్డు నెలకొల్పాడు. ఇంత వరకు క్రికెట్ చరిత్రలో ‘ఎ ’ మ్యాచ్ ల్లో ఎవరూ చేయని అత్యత్తమ వ్యక్తిగత స్కోరు సాధించాడు. ఈ మ్యాచ్ లో శిఖర్ ధావన్ 150 బంతుల్లో (30 ఫోర్లు, 7 సిక్స్ ) లతో ఏకంగా 248 పరుగులు చేశాడు. తొలుత బ్యాటింగ్ చేసిన భారత – ఎ జట్టు నిర్ణీత 50 ఓవర్లలో 433 పరుగులు చేసింది. ఓపెనింగ్ జోడీగా వచ్చిన విజయ్ - శిఖర్ లు కలిసి తొలి వికెట్ కి 91 పరుగులు జోడించిన అనంతరం (40) పరుగుల వ్యక్తిగత స్కోరు వద్ద విజయ్ వెనుదిరిగాడు. అనంతరం బ్యాటింగ్ కి వచ్చిన పుజారా కూడా చెలరేగడంతో వీరిద్దరు కలిసి ఏకంగా 285 పరుగుల భాగస్వామ్యాన్ని నెలకొల్పారు. వీరికి తోడు దినేష్ కార్తీక్ కూడా రాణించాడు. దక్షిణాఫ్రికా బౌలర్లతో మనవాళ్ళు ఓ ఆట ఆడుకున్నారు. ఈ టోర్నీలో ఇప్పటికే ఆసీస్ ఫైనల్ కి చేరుకుంది. నేడు భారత్ కూడా విజయం సాధిస్తే ఫైనల్లో అడుగిడుతుంది.