పోరు రసవత్తరం

Posted: 08/15/2013 05:08 PM IST

మొట్టమొదటి సారిగా బ్యాట్మింటన్ లో ఐబీఎల్ ( ఇండియన్ బ్యాడ్మింటన్ లీగ్ ) తెర లేచిన విషయం తెలిసిందే. ఈ పోరులో మన భారత్ కి చెందిన క్రీడాకారులు ముఖా ముఖిగా తలపడబోతున్నారు. నేటి నుండి ప్రారంభం కానున్న ఐబీఎల్ టోర్నీలో నేడు జరిగే తొలి పోరులో భారత అగ్రశ్రేణి క్రీడాకారిణులు అయిన సైనా నెహ్వాల్‌, పి.వి. సింధు పోటీ పడబోతున్నారు. గోపీచంద్ అకాడమీలో కలిసి ప్రాక్టీస్ చేసిన ఈ ఇద్దరూ తొలిసారిగా తలపడనుండటంతో పోరు ఆసక్తికరంగా మారింది. మహిళల సింగిల్స్ ఏకైక మ్యాచ్‌లో హైదరాబాద్ హాట్‌షాట్స్ తరపున సైనా నెహ్వాల్,  అవధ్ వారియర్స్ తరపున సింధు బరిలోకి దిగనున్నారు. ప్రపంచ బ్యాడ్మింటన్ చాంపియన్‌షిప్‌లో కాంస్య పతకం గెలుచుకొని సింధు మంచి జోరు మీద ఉంది. వరుసగా నాలుగోసారీ ప్రపంచ చాంపియన్‌షిప్ క్వార్టర్ ఫైనల్లో ఓడిన సైనా ఒత్తిడిలో ఉంది. ఈ ఇద్దరి స్టార్స్ మధ్య జరిగే మ్యాచ్ ఫలితానికి అధికారిక గుర్తింపు లేకపోయినా, టోర్నీకి హైలైట్ అయ్యే అవకాశం ఉంది. ప్రపంచ బ్యాడ్మింటన్‌లో కాంస్య పతకం సాధించిన తరువాత సింధు చెప్పింది. సైనాతో తలపడటానికి సింధు ఆసక్తి కనబరుస్తోంది. అంతే కాకుండా  తమ మధ్య జరిగే మ్యాచ్‌లో సైనాను నిలువరించటానికి ప్రయత్నిస్తానని కూడా సింధు సవాల్ విసిరింది.