వన్డే ర్యాంకింగ్స్ లో కోహ్లీ నెం1

Posted: 11/04/2013 10:04 AM IST

భారత యువ బ్యాట్స్ మెన్ , వైస్ కెప్టెన్ అయిన విరాట్ కోహ్లీ గత రెండు సంవత్సరాల నుండి నెంబర్ 1 స్థానంలో కొనసాగుతున్న దక్షిణాఫ్రికా బ్యాట్స్ మెన్ ఆమ్లాను వెనక్కి నెట్టి ఇటీవల జరిగిన ఆస్ట్రేలియా సిరీస్ లో 344 పరుగులు సాధించి, నాలుగో స్థానంలో ఉన్న అతను మూడు స్థానాలు ఎగబాకి నెంబర్ స్థానాన్ని కైవసం చేసుకున్నాడు.

సచిన్, ధోనిల తర్వాత భారత్ నుంచి వన్డేల్లో నెంబర్ వన్ స్థానాన్ని కైవసం చేసుకున్న మూడో భారతీయ ఆటగాడిగా కోహ్లీ పేరు సంపాదించాడు. ఇటీవల సాధించిన పరుగుల వరద కారణంగా ఆయన 13 రేటింగ్ పాయింట్లు ఎక్కువ సాధించాడు. అలాగే యువ బ్యాట్స్ మెన్స్ శిఖర్ ధావన్ 12 స్థానాలు మెరుగుపరుచుకుని 11వ ర్యాంక్‌కు చేరాడు.

డబుల్ సెంచరీ హీరో రోహిత్ శర్మ ఏకంగా 25 స్థానాలు మెరుగుపరుచుకుని 15వ ర్యాంక్‌కు చేరుకున్నాడు. భారత్ నుంచి ధోని (6వ ర్యాంకు), రైనా (19వ ర్యాంకు) కూడా టాప్-20లో ఉన్నారు. స్ట్రేలియాపై 3-2తో సిరీస్ విజయం సాధించిన భారత్ నంబర్‌వన్ ర్యాంక్‌ను పదిలంగా ఉంచుకుంది.