రేపటి నుండే విండీస్ తో టెస్టు సిరీస్

Posted: 11/05/2013 02:46 PM IST

క్రికెట్ లెజెండ్ , మాస్టర్ బ్లాస్టర్ సచిన్ సుదీర్ఘ క్రికెట్ కెరియర్ కి ముగింపు పలకబోతున్న ఛారిత్రక టెస్టు సిరీస్ రేపటి నుండి ప్రారంభం కాబోతుంది. సచిన్ కి గ్రాండ్ గా వీడ్కోలు పలికేందుకు స్వదేశంలో లభించిన ఈ అవకాశాన్ని భారత జట్టు సద్వినియోగం చేసుకోవాలని ఉబలాట పడుతుంటే.... సచిన్ వీడ్కోలు పలికే ఈ సిరీస్ ను ఎలాగైనా గెలిచి చరిత్రలో నిలిచిపోవాలని విండీస్ భావిస్తుంది. తొలి టెస్టుకు కోల్‌కాతాలోని ఈడెన్ గార్డెన్స్ వేదికకాగా, రెండో టెస్టుకు ముంబైలోని వాంఖడే ఆతిథ్యమివ్వనుంది.

ఈ మెగా టోర్నీకి తెర లేవడానికి మరికొన్ని గంటలే ఉండటంతో ఇటు అభిమానుల్లో ఆసక్తి నెలకొంది.  సిరీస్ సొంత గడ్డపై జరగనుండడం, ధోనీసేన సూపర్ ఫామ్‌లో ఉండడం భారత్‌కు కలిసొచ్చే అంశాలు. ఇక మాస్టర్ బ్లాస్టర్ కి ఘనంగా వీడ్కోలు పలికేందుకు ముంబై క్రికెట్ అసోషియేషన్ ఘనంగా ఏర్పాట్లు చేస్తుంది. ఇప్పటి వరకు అన్ని ట్రోఫీలు గెలిచి తన కలను నెరవేర్చుకున్న సచిన్ చివరగా తాను ఆడబోయే టెస్టు సిరీస్ గెలిచి రిటైర్డ్ అవుతాడో లేదో చూడాలి. ఇక సచిన్ కోసం బ్యాటింగ్ పిచ్ ను అందించిన ముంబై క్రికెట్ అసోసియేషన్ చివరి టెస్టు కోసం మాత్రం స్పిన్ పిచ్ ను అందించబోతుంది.