రోహిత్ - అశ్విన్ లు పరువు నిలిపారు

Posted: 11/07/2013 06:33 PM IST

Rohit sharma ashwin shine as india take control

రోహిత్ శర్మ ఎన్నాళ్ల నుండో అంతర్జాతీయ క్రికెట్ ఆడుతున్నా అతని కెరియర్లో ఇంత వరకు టెస్టు మ్యాచ్ ఆడలేదు. కానీ టి20 ఫార్మాట్ లో ఆటగాడిగా, కెప్టెన్ గా రాణించి వన్డేల్లో కూడా తన సత్తా చాటి ఇటీవలే ద్విశతకంతో ఆకట్టుకున్న రోహిత్ విండీస్ టెస్ట్ సిరీస్ కి ఆడుతున్నాడు.

తను ఆడుతున్న తొలి టెస్టుల్లోనే శతకం చేసి మొదటి టెస్టులోనే శకతం సాధించిన 14 భారత ఆటగాడిగా రికార్డుల కెక్కడమే కాకుండా, పీకల్లోతు కష్టాల్లో పడ్డ భారత్ ను ఆదుకొని పరువు నిలిపాడు. రెండో రోజు ఓవర్ నైట్ స్కోరుతో ఆట ప్రారంభించిన భారత్ తొలి సెషన్లోనే నాలుగు కీలక వికెట్లు కోల్పోయి పీకల్లోతు కష్టాల్లో పడగా రోహిత్ శర్మ 127 పరుగులతో, అశ్విన్ 92 పరుగులతో క్రీజులో గొడలా నిలిచారు.

బౌలర్ అశ్విన్ సహకారంతో మెల్లిగా ఆడుతూ స్కోరు బోర్డును పరుగులెత్తించారు. రెండో రోజు ఆట ముగిసే సమయానికి 354 పరుగులు చేసి, 120 పరుగుల ఆధిక్యంలోకి దూసుకెళ్లింది. వెస్టిండీస్ బౌలర్లలో షిల్లింగ్‌ఫోర్డు మొదటి సెషన్లో నాలుగు వికెట్లు తీసి భారత బ్యాట్స్ మెన్స్ కి వెన్నులో వణుకుపుట్టించాడు. బెస్ట్, కోట్రెల్ తలో వికెట్ తీశారు. రేపు కూడా వీరిద్దరు క్రీజులో నిలకడగా ఆడితే భారత్ భారీ స్కోరు చేడయం ఖాయం.