సానియా జోరుకు హడలెత్తిపోతున్న టాప్ క్రీడాకారులు!

Posted: 10/25/2014 03:04 PM IST

బ్యాడ్మింటన్ స్టార్ సానియా మీర్జా ఏ తీర్థంలో జలకమాడిందో తెలీదు కానీ.. యూఎస్ ఓపెన్ నుంచి ఈ అమ్మడు తన తడాఖా చూపించుకుంటూ ప్రత్యర్థుల్ని దుమ్ములేపేస్తోంది. అంతకుముందు తొలిరౌండ్లలోనే వెనుదిరిగి భారతీయ అభిమానులను నిరాశపరిచే ఈ అమ్మడు.. నేడు ప్రపంచవ్యాప్తంగా టాప్ ర్యాంకర్లను సైతం చెమటలు పట్టించేస్తోంది. మహిళల డబుల్స్, సింగిల్స్.. ఇలా అన్ని విభాగాల్లోనూ తనదైన ప్రతిభతో ఈ అమ్మడు సమర్థవంతంగా విజయబాటవైపు అడుగులు వేస్తోంది. తాజాగా మరోసారి ఈ అమ్మడు తన జైత్రయాత్రను కొనసాగించింది.

జింబాబ్వేకు చెందిన కార్లా బ్లాక్ తో కలిసి తొలిసారి డబ్ల్యూటీఏ ఫైనల్స్ డబుల్స్ బరిలో దిగిన సానియా.. ఏకంగా సెమీఫైనల్ కు దూసుకెళ్లింది. గురువారం హోరాహోరీగా జరిగిన క్వార్టర్ ఫైనల్లో మూడో సీడ్ సానియా జోడీ 6-3, 2-6, 12-10 స్కోరుతో రాక్వెల్ కావ్స్ జోన్స్, అబిగైల్ స్పియర్స్ (అమెరికా) జంటపై భారీగా గెలుపొందింది. దీంతో శనివారం జరిగే సెమీస్ లో సానియా - బ్లాక్ జోడీ.. క్వెటా పెచ్ కె (చెక్), కేతరీన స్రెబోత్నిక్ (స్లోవేనియా) జంటతో తలపడనుంది. అలాగే ఏడాది చివర్లో జరిగే డబ్ల్యూటీఏ ఫైనల్స్ లో.. ప్రపంచంలోని టాప్-8 క్రీడాకారిణులు సింగిల్స్, టాప్-8 డబుల్స్ టోర్నీలో తలపడుతాయి.

AS