స్లెడ్జింగ్ లేకుండా ఆట బోర్ జాన్సన్

Posted: 03/25/2015 08:58 PM IST

భారత్‌తో జరిగే ప్రపంచకప్ సెమీస్‌లో కచ్చితంగా స్లెడ్జింగ్‌కు దిగుతానని ఆస్ట్రేలియా పేసర్ మిచెల్ జాన్సన్ తేల్చి చెప్పాడు. ఇదంతా ఆటలో భాగమేనని సమర్థించుకున్నాడు. వార్నర్ ఈసారి స్లడ్జింగ్ కు దిగనని అన్నారని అందుకే తానే ఈ బాధ్యతను తీసుకుంటున్నాని చెప్పారు. ఇదంతా ఆటలో భాగమూనన్నాడు.. పాక్‌తో క్వార్టర్స్‌లో షేన్ వాట్సన్, వహాబ్ మధ్య మాటల యుద్ధం నిజంగా అసాధారణ స్థాయికి చేరిందని.. వారిద్దరూ ఏ స్థాయిలో ఆడారో చూశాం కదా’ అని పాకిస్థాన్ తో జరిగిన మ్యాచ్ ను గుర్తుచేసుకున్నాడు జాన్సన్. మరోవైపు ప్రపంచకప్‌లో పదే పదే ఆటగాళ్లతో ఘర్షణలకు దిగే వారిపై మ్యాచ్ నిషేధం విధిస్తామని గతంలోనే ఐసీసీ సీఈవో డేవ్ రిచర్డ్‌సన్ హెచ్చరించారు.
 
ఇదిలావుండగా, ప్రపంచ కప్ క్వార్టర్ ఫైన్సల్ మ్యాచ్‌లో మాటల యుద్ధానికి దిగిన పేసర్ వహాబ్ రియాజ్, బ్యాట్స్‌మన్ షేన్ వాట్సన్ ట్విట్టర్ సాక్షిగా ఒక్కటయ్యారు. పాక్ బ్యాటింగ్ సమయంలో వహాబ్‌ను వాట్సన్ మాటలతో రెచ్చగొట్టాడు. ఆ తర్వాత బౌలింగ్‌కు దిగిన వహాబ్.. తన పదునైన బౌన్సర్లతో వాట్సన్ వెన్నులో వణుకుపుట్టిస్తూ రెచ్చగొట్టాడు.

జి. మనోహర్