పాక్ బౌలర్ ను తిట్టిపోసిన అభిమానులు..

పాకిస్తాన్ బౌలర్ ను ఆ దేశానికి చెందిన క్రికెట్ అభిమానులే అడిపోసుకున్నారు. వాళ్లే కాదు ఆ జట్టు ప్రధాన కోచ్ కూడా బౌలర్ నిర్వాకాన్ని జీర్ణించుకోలేక తిట్టిపోస్తూ.. ఏకంగా డ్రెసింగ్ రూమ్ లోకి వెళ్లిపోయాడు. అక్కడితో అగని అభిమానులు బౌలర్ ను.. నెట్టింట్లో సంచలనంగా మార్చుతూ.. అయనను విపరీతంగా విమర్శించారు. అసలేం జరిగిందంటే.. పాకిస్థాన్‌-శ్రీలంక మధ్య జరుగుతోన్న రెండో టెస్టులో పాక్‌ బౌలర్‌ ఒక బంతిని వేసేందుకు ఐదుసార్లు ప్రయత్నించడమే ఇందుకు కారణమైంది.

పాకిస్థాన్-శ్రీలంక మధ్య చివరిదైన రెండో టెస్టులో భాగంగా ఆదివారం మూడో రోజు ఆట జరిగింది. లంక తొలి ఇన్నింగ్స్ లో కరుణరత్నే-డిక్వెల్లా బ్యాటింగ్ చేస్తుండగా పాక్‌ బౌలర్ వాహబ్ రియాజ్ ఒక బంతిని వేసేందుకు ఐదు సార్లు ప్రయత్నించి విఫలమయ్యాడు. 111వ ఓవర్లో ఐదో బంతిని వేసేందుకు వచ్చిన రియాజ్‌ ఐదుసార్లు ప్రయత్నించాడు. బౌలర్ పేలవ ఫామ్ ను ప్రత్యక్షంగా వీక్షించిన ఆ జట్టు కోచ్‌ మిక్కి ఆర్థర్‌ అసహనం వ్యక్తం చేస్తూ మ్యాచ్ చూడకుండా గ్యాలరీ నుంచి డ్రస్సింగ్‌ రూమ్ లోపలికి వెళ్లిపోయాడు.

మైదానంలో ఉన్న పాక్ జట్టు సారథి సర్ఫరాజ్ అహ్మద్ పాటు బ్యాట్స్ మెన్లు, అంపైర్లు రియాజ్ తీరు పట్ల అసంతృప్తి వ్యక్తంచేశారు. ఆ తర్వాత విజృంభించిన రియాజ్ 3 కీలక వికెట్లు పడగొట్టాడు. రియాజ్ బౌలింగ్ వీడియో ఇప్పుడు నెట్టింట్లో సంచలనంగా మారింది. ఇది చూసిన నెటిజన్లు.. క్రికెట్ చరిత్రలో ఒక బంతి వేసేందుకు ఇలా ఐదుసార్లు ప్రయత్నించి విఫలమవడం ఇదే తొలిసారి అని విశ్లేషకులు బావిస్తున్నారు. దీంతో రియాజ్ బౌలింగ్ వేయడం ఎలాగో మరిచిపోయాడేమో అంటూ అభిమానులు చురకలంటించారు.

Wahab Riaz misses his run-up " FIVE TIMES " in a row

Mickey Arthur's Reaction