రెజ్లింగ్ తుదిపోరులో భజరంగ్ పునియాకు కాంస్యం

Posted: 08/07/2021 03:43 PM IST

టోక్యో ఒలింపిక్స్‌లో ఫైనల్‌కి చేరేలా ధీమాగా కనిపించిన భారత స్టార్ రెజ్లర్ బజరంగ్ పునియా.. సెమీస్ లో నిరాశపరిచినా.. దేశానికి మాత్రం కాంస్య పతకాన్ని అందించాడు. ఆది నుంచి రెజ్లింగ్ లో దూకుడుగా వ్యవహరించిన పునియా దేశానికి స్వర్ణం తీసుకోస్తాడని ఆశించిన భారతీయ అభిమానులు నిరాశకు గురికాకుండా కాంస్య పతకాన్ని సాధించిపెట్టాడు. ఫురుషుల 65 కేజీల రెజ్లింగ్ విభాగంలో ఇవాళ కజకిస్తాన్ కు చెందిన డౌలెట్ నియాజ్‌బెకోవ్ పై 8-0తేడాతో విజయం సాధించాడు.

ప్రపంచ చాంపియన్‌ అజ‌ర్‌బైజాన్ రెజ్ల‌ర్ హ‌జి అలియేవ్‌తో జ‌రిగిన సెమీస్ బౌట్‌లో భజరంగ్‌ 5-12 తేడాతో ఓటమి పాలయ్యాడు. కాగా సెమీస్‌లో ఓడిన భజరంగ్‌ పట్టుదలతో కాంస్య పతక పోరులో గెలిచాడు. మోకాలి గాయం ఇబ్బంది పెట్టడంతో శుక్రవారం మ్యాచ్ లో రాణించలేకపోయాడని అతని తండ్రి వెల్లడించారు. గోల్డ్ మెడల్ సాధిస్తాడనుకున్న రవి దహియా ఫైనల్ లో ఓడిపోయాడు. అయినా రజతంతో మెరిశాడు. రెజ్లింగ్ 57 కేజీల ఫ్రీస్టైల్ ఈవెంట్ ఫైన‌ల్ లో ఓడినా.. భారత్ కు రజతాన్ని అందించాడు. ఫైనల్ మ్యాచ్ లో రష్యాకి చెందిన జౌర్ ఉగేవ్ చేతిలో 4-7తో ఓడినా పతకం దక్కింది.