దాంపత్య జీవితం ఆనందంగా సాగాలంటే..?

Posted: 08/25/2015 01:06 PM IST

నూతనంగా పెళ్లైన జంటలు రతిసుఖాన్ని పూర్తిగా అనుభవించాలని కోరికలు వున్నప్పటికీ.. కొన్ని కారణాల వల్ల ఆ సుఖాన్ని సంతృప్తికరంగా అనుభవించలేకపోతారు. మనసు విప్పి మాట్లాడితే.. ఒకరికొకరు ఏమైనా అనుకుంటారేమోనన్న సందేహంతో తమ గురించి చెప్పుకోరు. చెప్పుకోవాలని మనసులో వున్నప్పటికీ.. చెప్పలేకపోతారు. దీనివల్ల మానసిక ఆవేదనకు గురికావడంతోపాటు కోరికలు లోపలే అణచివేసుకోవాల్సి వస్తుంది. దాంతో వారి దాంపత్య జీవితం సుఖంగా సాగకా.. ఎన్నో ఇబ్బందులు ఎదుర్కోవాల్సి వస్తుంది. ఈ సమస్యల్ని అధిగమించి, తమ దాంతప్య జీవితాన్ని సుఖంగా కొనసాగించాలంటే అంతకంటే ఆరోగ్య సూత్రాల్ని పాటించాల్సి వుంటుందని నిపుణులు సూచిస్తున్నారు. అవేంటో తెలుసుకుందామా..

* మగవారి నోటి దుర్వాసన ఉంటే ముద్దు పెట్టుకునే సమయంలో ఇబ్బందిగా అనిపిస్తుంది. ఈ సమస్యను అధిగమించాలంటే పడక చేరేముందు బ్రష్‌తో దంతాలను శుభ్రం చేసుకోవాలి. అంతేకాకుండా నీరుల్లిపాయ, వెల్లుల్లి వంటి ఘాటయిన వాసన కలిగిన పదార్థాలను తినకపోవడం మంచిది. ముఖ్యంగా పొగతాగడం మానేయాలి. ఈ సమస్యను పసిగట్టిన స్త్రీలు ఏమాత్రం బిడియం లేకుండా మగవారికి చెప్పాలి. లేకపోతే.. రతి సమయంలో ఇబ్బంది పడటమే కాకుండా రతి సుఖాన్ని పూర్తిగా పొందలేరు.

* కొందరికి చెమట అధికంగా వెలువడుతుంది. అలా చెమట వెలువడటంతో స్వేదంలో దుర్వాసన కూడా రతి సుఖానికి ఇబ్బంది కలిగిస్తాయి. ఈ సమస్య నివారణకు గోరువెచ్చటి నీటితో స్నానం, తరువాత డియోడరెంట్ వినియోగించడం మంచిది. ఎక్కువ నీరు తాగడం, పల్చటి అండర్వేర్ ధరించడం వల్ల కూడా సమస్యను అధిగమించవచ్చు.

* ఎక్కువ ఉద్రేకంకల మహిళల్లో యు.టి.ఐ, బ్లాడర్ ఇన్ఫెక్షన్ సమస్యలు కలుగుతాయి. దీని నివారణకు రతి కాగానే మూత్ర విసర్జన చేయాలి. దీనివల్ల బ్యాక్టీరియా బయటకుపోయి ఇన్ఫెక్షన్‌కు అవకాశాలు తగ్గుతాయి. వ్యక్తిగత శుభ్రతలు పాటిస్తే దాంపత్య జీవితం సుఖమయం అవుతుంది.