ఫుల్ హ్యాపీ మూడ్ లో వున్న అఖిల్

Posted: 05/08/2015 12:51 PM IST

తెలుగుచిత్రపరిశ్రమలో తన అదృష్టాన్ని పరీక్షించుకునేందుకు అక్కినేని కుటుంబం నుంచి మరో హ్యాండ్ సమ్ హీరో అఖిల్ సిద్ధమవుతున్న విషయం తెలిసిందే! ఈ హీరో కమర్షియల్ డైరెక్టర్ వివి వినాయక్ దర్శకత్వంలో తెరకెక్కుతున్న సినిమా షూటింగ్ లో ఫుల్ బిజీగా వున్నాడు. ప్రస్తుతం స్పెయిన్ లో షూటింగ్ జరుగుతుండగా.. అక్కడ అందమైన లోకేషన్స్ లో కొన్ని పాటలతో పాటు సినిమాలోని కీలకమైన సీన్స్ ని కూడా షూట్ చేస్తున్నారు.

ఈ సినిమా ఇప్పటి వరకూ తెరకెక్కిన విషయంలో అఖిల్ చాలా హ్యాపీగా వున్నట్లు స్వయంగా తెలిపాడు. ముఖ్యంగా వినాయక్ టేకింగ్, తన క్యారెక్టర్ ని ఆవిష్కరించే విధానం తనకి ఎంతో సంతోషాన్ని కలిగించిందని అన్నాడు. ఈ నేపథ్యంలో అఖిల్ తన సినిమా వివరాలు తెలుపుతూ.. ప్లాన్ చేసిన ప్రకారం స్పెయిల్ షెడ్యూల్ జరుగుతోందనీ.. మంచి టీమ్ తో కలిసి పనిచేస్తున్నందుకు చాలా హ్యాపీగా వుందని చెప్పాడు. ఈ సినిమాకి సంబంధించి ఇప్పటివరకూ జరిగిన వర్క్ పట్ల పూర్తి సంతృప్తిని వ్యక్తం చేశాడు. అఖిల్ ఈ విధంగా తన సంతోషాన్ని వ్యక్తపరచడంతో ఇతని అభిమానులు ఆనందం వ్యక్తం చేస్తున్నట్లు తెలుస్తోంది.

ఇక దర్శకుడు వివి వినాయక్ సినిమా షెడ్యూల్స్ లో ఏ మాత్రం గ్యాప్ లేకుండా చాలా వేగంగా షూటింగ్ ఫినిష్ చేస్తున్నాడు. అఖిల్ ఫాదర్ పాత్రలో రాజేంద్ర ప్రసాద్ కనిపించనున్న ఈ సినిమాని శ్రేష్ఠ్ మూవీస్ పతాకంపై యంగ్ హీరో నితిన్ నిర్మిస్తున్నాడు. ఈ సినిమాకి ఎస్ఎస్ తమన్ – అనూప్ రూబెన్స్ కలిసి సంగీతం అందిస్తున్నారు. వెలిగొండ శ్రీనివాస్ కథని అందించిన ఈ సినిమాకి కోన వెంకట్ డైలాగ్స్ అందిస్తున్నాడు. అఖిల్ సరసన సయేష సైగల్ హీరోయిన్ గా నటిస్తోంది.