నిర్మాతగా అవతారమెత్తిన నటుడు శివబాలాజీ

Posted: 09/02/2015 03:09 PM IST

Siva balaji turned as producer actor ajay tollywood news

శివబాలాజీ.. ఇండస్ట్రీలో తనకంటూ ఓ ప్రత్యేక గుర్తింపు సంపాదించుకున్న నటుడు. ‘ఇది అశోక్‌గాడి ల‌వ్‌స్టోరీ’ అనే సినిమాతో తెరంగేట్రం చేసిన ఈ యాక్టర్.. ‘ఆర్య, సంక్రాంతి, పోతేపోనీ, శంభో శివ శంభో’ వంటి ఎన్నో చిత్రాల్లో నటించాడు. ఆ సినిమాలు మంచి విజయం సాధించిన నేపథ్యంలో.. తెలుగు, తమిళ ఇండస్ట్రీలో ప్రేక్షకుల మదిలో తనదైన స్థానాన్ని ఏర్పాటు చేసుకున్నారు. ఎన్నో విలక్షణమైన పాత్రల్లో నటించాడు. అయితే.. ఇంతలోనే కొన్ని సమస్యలు ఏర్పడటంతో అతడు కొన్నాళ్లు కనిపించలేదు కానీ.. తాజాగా మరో కొత్త రూపంతో ఎంట్రీ ఇస్తున్నాడు. ఇప్పుడు కొత్త టాలెంట్ ను ఎంకరేజ్ చేయాలనే తలంపుతో నిర్మాతగా మారారు.

శివబాలాజీ ‘గగన్ మ్యాజికల్ ఫ్రేమ్స్’ అనే బ్యానర్ ను స్టార్ట్ చేశాడు. అందులో భాగంగా ‘పడ్డానండీ ప్రేమలో మరి’ వంటి క్యూట్ లవ్ స్టోరీని రూపొందించిన దర్శకుడు మహేష్ ఉప్పుటూరి దర్శకత్వంలో ఓ సినిమాని రూపొందించేందుకు సన్నద్ధమవుతున్నాడు. ఈ సినిమాలో శివబాలాజీతోపాటు ఇటు విలన్ గా, అటు క్యారెక్టర్ ఆరిస్ట్ గా రాణిస్తున్న అజయ్ కూడా కీలకపాత్ర పోషిస్తున్నారు. డిఫరెంట్ కాన్సెప్ట్ తోరూపొందనున్న ఈ చిత్రం సెప్టెంబర్ 23న లాంఛనంగా ప్రారంభం కానుంది. ఇద్దరు స్నేహితుల కథను 1980 బ్యాక్ డ్రాప్ పై, ఓ నిజ ఘటన ఆధారంగా దర్శకుడు మహేష్ ఉప్పుటూరి తెరకెక్కిస్తున్నారు. శివబాలాజీ, అజయ్ ఈ చిత్రంలో క్యారెక్టర్స్ చాలా హైలైట్ గా ఉంటాయి. ప్రేక్షకులు కోరుకునే అన్నీ ఎలిమెంట్స్ తో సినిమా ఉంటుందని దర్శకుడు మహేష్ ఉప్పుటూరి అన్నారు.

ఇక ఈ సినిమాను నిర్మిస్తున్న నటుడు శివబాలాజీ కూడా.. ఈ చిత్రంపై నమ్మకంతో వున్నాడు. ఈ సినిమా ఖచ్చితంగా వియం సాధిస్తుందని, ప్రేక్షకుల్ని ఆకట్టుకుంటుందని అభిప్రాయాన్ని వ్యక్తం చేశాడు. ఇదిలావుండగా.. ఈ చిత్రానికి సంబంధించి ప్రీ-ప్రొడక్షన్ పనులు శరవేగంగా జరుగుతున్నాయి. నిర్మాతగా తొలిచిత్రం నిర్మిస్తున్న ఈ తొలి సినిమా మంచి విజయం సాధిస్తుందని ఆశిద్దాం.

AS