జేడీని ఆశ్చర్యానికి గురిచేసిన ఆ డైరెక్టర్

Posted: 09/04/2015 01:19 PM IST

Jd chakravarthy villain role dynamite movie tollywood

తెలుగు ఇండస్ట్రీలో కథానాయకుడిగా తమకంటూ ప్రత్యేక ముద్ర వేయించుకున్నవారిలో జేడీ చక్రవర్తి ఒకరు. ఒకప్పుడు హీరోగా ఎన్నో చిత్రాల్లో నటించిన ఈయన.. తన సహజ నటనతో ఎందరో అభిమానుల్ని సొంతం చేసుకున్నారు. యాక్షన్, థ్రిల్లర్ తరహా చిత్రాల్లోనే ఈయన ఎక్కువగా నటించేవారు. అయితే.. కాలక్రమంలో జూనియర్ల హవా ఎక్కువగా పెరిగిపోవడంతో ఈయన కాస్త వెనుకడుగు వేశారు. అయితే.. ఇప్పుడు ఆయన ఓ బలమైన పాత్రతో మళ్లీ వెండితెరపై కనువిందు చేశారు.

మంచు విష్ణు హీరోగా దేవాకట్టా దర్శకత్వంలో ‘డైనమైట్’ చిత్రం రూపొందింది. ఈ చిత్రంలో చాలాకాలం తర్వాత జేడీ చక్రవర్తి నటించారు.. అది కూడా విలన్ గా నటించి అందరికీ ఆశ్చర్యానికి గురిచేశారు. ఇక ఈ సినిమా తమిళ్లో ఘనవిజయం సాధించిన ‘అరిమనంబి’ చిత్రానికి రీమేక్ అన్న విషయం తెలిసిందే! ఈ తమిళ్ సినిమాలోనూ జేడీ చక్రవర్తి విలన్ గా నటించారు. అదే పాత్రను ‘డైనమైట్’లోనూ పోషించారు. ఈ సినిమాను తెలుగు రీమేక్ చేస్తున్నామని, అందులోనూ విలన్ పాత్రలో నటించాల్సిందిగా జేడీని దర్శకుడు కోరితే.. అందులో కొన్ని మార్పులు చేస్తే బాగుంటుందని తన అభిప్రాయాన్ని వెల్లడించాడట.

జేడీ అభిప్రాయాన్ని విన్న అనంతరం దర్శకుడు దేవా తనదైన శైలిలో కొన్ని మార్పులు చేశాడట. ఆ మార్పులు చూసిన తనకు ఎంతో ఆశ్చర్యాన్ని కలిగించిందనీ.. అందుకే తెలుగులోనూ విలన్ పాత్రలో నటించడానికి అంగీకరించానని జేడీ స్పష్టం చేశాడు. ఈ విలన్ పాత్ర చాలా ప్రత్యేకంగానూ, ప్రేక్షకులను ఆకట్టుకునేలా వుండటంతో తనకు ఆనందం కలిగించినట్లు ఆయన చెప్పాడు. ఇటీవలే ప్రేక్షకుల ముందుకొచ్చిన ఈ సినిమా మంచి టాక్ తెచ్చుకోగా.. జేడీకి కూడా మంచి మార్కులే పడ్డాయి.

AS