ఆ రెండింటిలో ముందుగా ఏది పట్టాలెక్కుతుందో?

Posted: 09/05/2015 01:12 PM IST

Manchu vishnu next movie kannappa katha tanikella bharani director sai reddy

కామెడీ ఎలిమెంట్ ఎక్కువగా వుండేలా ఫ్యామిలీ కథాచిత్రాలతో నటుడు మంచువిష్ణు తెలుగు ప్రేక్షకుల్ని అలరిస్తున్నాడు. అయితే.. ఈసారి అందుకు భిన్నంగా పూర్తి యాక్షన్ తరహాలో తెరకెక్కిన్న ‘డైనమైట్’ సినిమాతో ప్రేక్షకుల ముందుకొచ్చాడు. ఈ సినిమా తొలి ఆటనుంచే సక్సెస్ టాక్ తెచ్చుకోవడంతో మంచు విష్ణు హ్యాపీగా ఫీల్ అవుతున్నట్లుగా వెల్లడించాడు. ఈ సినిమా మంచి విజయం సాధించడంతో అతని తదుపరి చిత్రం గురించి ఆసక్తి నెలకొంది. ఎందుకంటే.. ఈ హీరో ఓ సందర్భంలో ‘కన్నప్ప కథ’ సినిమా గురించి ప్రస్తావన తీసుకొచ్చాడు. మరోవైపు.. ఈ హీరో కోసం ఓ దర్శకుడు కథను తయారుచేయడంతో.. ఆ రెండింటిలో ఏది పట్టాలెక్కుతుందో ఆసక్తికరంగా మారింది.

ఇటీవలే ‘కన్నప్ప కథ’ గురించి విష్ణు మాట్లాడిన విషయం తెలిసిందే! తనికెళ్ల భరణి తెరకెక్కించనున్న ఈ సినిమాలో తాను నటించనున్నట్లుగా విష్ణు స్పష్టం చేశాడు. దీంతో ఈ సినిమాయే తొలుత పట్టాలెక్కుతుందని అంతా భావించారు. కానీ.. ఈ సినిమాకి ఇంకా కాస్త సమయం పడుతుందని టాలీవుడ్ టాక్. ఈలోగా విష్ణు మరో సినిమా చేయనున్నట్లు వార్తలొస్తున్నాయి. గతంలో ‘అడ్డా’ సినిమాను తెరకెక్కించిన దర్శకుడు సాయిరెడ్డి ఓ విభిన్నమైన కథాంశాన్ని విష్ణు కోసం సిద్ధం చేశాడట. ఆ కథ నచ్చడంతో హీరో వెంటనే ఓకే చెప్పేశాడని అంటున్నారు. పైగా.. ఈ సినిమాను ఈనెల 10వ తేదీన లాంఛనంగా ప్రారంభించినట్లు తెలుస్తోంది. అయితే.. ఇందుకు సంబంధించి ఇంకా అధికారిక వివరాలు తెలియాల్సి వుంది. దీంతో.. ఈ రెండు సినిమాల్లో ముందుగా ఏది పట్టాలెక్కుతుందోనన్న చర్చ టాలీవుడ్ లో కొనసాగుతోంది.

AS