దంతాలు ఆరోగ్యంగా వుండాలంటే.. ఈ చిట్కాలు పాటించండి!

Posted: 10/06/2015 03:43 PM IST

Home remedies for healthy teeth best foods

ప్రస్తుత రోజుల్లో దంతాల సమస్య చాలా ఎక్కువ అయిపోయింది. దంతాలు బలం కోల్పోయి త్వరగా ఊడిపోవడం, లేదా మెత్తబడిపోవడం వంటి ఇబ్బందుల్ని ఎదుర్కోవల్సి వస్తోంది. గతంలో ఇటువంటి సమస్యలు వయస్సు పైబడిన వారకే వచ్చేవి కానీ నేటి ఆధునిక యుగంలో చిన్నపిల్లల నుంచి ప్రతిఒక్కరు ఎదుర్కోవాల్సి వస్తోంది. అందుకు మారుతున్న జీవన విధానంతోపాటు పోషకాలు లేని ఆహారాలు తీసుకోవడమేనని అంటున్నారు. ఈరోజుల్లో అందరూ జంక్ ఫుడ్స్ కి బాగా అలవాటు పడిపోయారు. అందులో పోషక విలువలు అంతగా నిల్వ వుండకపోగా అనారోగ్య సమస్యల్ని తెచ్చిపెడతాయి. కాబట్టి. వాటి నుంచి దూరంగా వుండాలని అంటున్నారు. అలాగే.. దంతాలు నిత్యం ఆరోగ్యంగా వుండాడానికి కొన్ని చిట్కాలు ఇస్తున్నారు.

దంతాలపై గల ఎనామిల్ చెడిపోకుండా దంతాలు చాలాకాలం బలంగా ఉండాలంటే.. ప్రతిరోజూ భోజనం అయిన వెంటనే తోటకూర, మెంతికూర, పుదీనా వంటి ఆకులు నమలడం ఉత్తమమని ఆరోగ్య నిపుణులు అంటున్నారు. దీనివల్ల దంత రోగాలు నశిస్తాయి. జామపండ్లు దంతాలను శుభ్రపరుస్తాయి. ప్రతిరోజూ ఒక ఆపిల్ తింటే వైద్యుని వద్దకు వెళ్లాల్సిన అవసరమూ లేదని వారు అంటున్నారు. అలాగే తాజా పండ్లు, కాయగూరల్లో సులభంగా కరిగి శరీరానికి వినియోగపడే కాల్షియం, పొటాషియం, ఇనుము, సోడియం, గంధకం, మెగ్నీషియం, క్లోరిన్, రాగి వగైర రసాయన పదార్ధాలు, ఖనిజాలుంటాయి. అత్తిపళ్ళు, టమోటా, పుచ్చకాయల్లో పొటాషియం లభిస్తుంది. ఇంకా తాజాగా ఉండే క్యారెట్‌ను భోజనం చేసిన తరువాత నమలడం వల్ల నోటిలో గల ప్రమాదకరమైన సూక్ష్మ క్రిములు నశిస్తాయి. నోటిదుర్వాసన పోతుంది. చిగుళ్ళ వాపు, చిగుళ్ళ నుండి రక్తం కారుట నిలిపి వేసి, దంతాలకు బలం చేకూరుస్తుంది.