బ్లాక్ టీతో బహు ప్రయోజనాలు!

Posted: 10/17/2014 04:27 PM IST

మానవుని ఆరోగ్యానికి బహుప్రయోజనాలు కలిగించే పోషక ఆహారాల్లోబ్లాక్ టీని కూడా పరిగణించవ్చునని నిపుణులు పేర్కొంటున్నారు. సాధారణంగా తీసుకునే టీ రకాలలో ఇది ఎంతో ప్రత్యేకమైనదని, ఇందులో వుండే పోషక విలువలు ఎంతో ఆరోగ్యంగా వుంచుతాయని పరిశోధనల నిమిత్తం వారు పేర్కొంటున్నారు. బ్లాక్ టీతో కలిగే ఆ ఆరోగ్య ప్రయోజనాలేంటో తెలుసుకుందాం...

1. సమయానుకూలంగా ప్రతిరోజూ బ్లాక్ టీని తీసుకుంటే గుండె సమస్యల నుంచి చాలావరకు దూరంగా వుండవచ్చునని నిపుణులు అంటున్నారు. ఇందులో ఎల్.డీ.ఎల్ కొలెస్టిరాల్ ఆక్సీకరణ కాకుండా నిరోధించే ఫ్లేవనాయిడ్స్ వంటి అనామ్లజనకాలు వుంటాయి. అలాగే రక్తప్రసరణ సమయంలో కలిగే అడ్డంకులను తొలగించడంతోపాటు ధమని గోడల నష్టాన్ని తగ్గిస్తుంది. ఎండోథెలియల్ వాసోమోటార్ పనిచేయకపోవటం వల్లవచ్చే కొరోనరీ ఆర్టరీ వ్యాధులు రాకుండా సహాయపడుతుంది. ఫ్లేవనాయిడ్స్ రక్తం గడ్డలు ఏర్పడకుండా ఉంచడంలో మరియు పరిహృదయ రక్తనాళాల వ్యాకోచము తగ్గించడంలో కూడా సమర్థవంతంగా పనిచేస్తాయి.

2. బ్లాక్ టీలో కనిపించే పాలిఫేనోల్స్ వంటి అనామ్లజనకాలు... పురీషనాళ, ప్రోస్టేట్, అండాశయ, ఊపిరితిత్తుల, మూత్రాశయం వంటి శక్తివంతమైన క్యాన్సర్ వ్యాధులు రాకుండా నిరోధిస్తుంది. బ్లాక్ టీ, రొమ్ము, ప్రొస్టేట్, కడుపు క్యాన్సర్ నిరోధించడానికి సహాయపడుతుంది. TF-2 అనే మిశ్రమం ఈ టీలో ఉన్నందువలన క్యాన్సర్ కణాలను చంపేస్తుంది. బ్లాక్ టీ త్రాగటం వలన సిగరెట్ త్రాగేవారిలో లేదా ఇతర పొగాకు ఉత్పత్తులను తీసుకునేవారిలో వొచ్చే నోటి క్యాన్సర్ ప్రమాదాన్ని కూడా తగ్గిస్తుంది.

3. అనారోగ్యకరమైన ఆహారాన్ని తీసుకోవటం వల్ల శరీరంలో ఎక్కువగా ఫ్రీరాడికల్స్ సంఖ్య పెరిగిపోతుందా. తద్వారా శరీరంలో క్యాన్సర్, ఎథెరోస్క్లెరోసిస్, రక్తం క్లాట్ ఏర్పడి చాలా హాని జరుగుతుంది. ఇటువంటి సమస్య నుంచి బయటపడాలంటే నిత్యం బ్లాక్ టీ తాగాల్సిందే. ఎందుకంటే.. ఇందులో ఎక్కువ మోతాదులో వుండే అనామ్లజనకాలు ఫ్రీ రాడికల్స్ ను తొలగించి విభిన్నమైన వ్యాధులబారి పడకుండా శరీర రక్షణకు సహాయపడుతున్నాయి.

4. బ్లాక్ టీలో ఉన్న టానిన్ పదార్థాలు ఇన్ఫ్లుఎంజా, జలుబు, ఫ్లూ, విరేచనాలు, హెపటైటిస్, ఇతర వైరస్ లను ఎదుర్కునే సామర్థ్యాన్ని కలిగి ఉంటాయి. కేట్చిన్ అనే ఒక రకమైన టానిన్ కణితులను అణచివేయడానికి సహాయపడుతుంది. బ్లాక్ టీలో ఉన్న ఆల్క్య్లమిన్ జనకాలు వ్యాధినిరోధక స్పందనలను పెంచడానికి సహాయపడుతుంది. రోజుకు బ్లాక్ టీ 3-4 కప్పులు త్రాగితే ఒక రకమైన శోథలు, అలాగే హానికరమైన వ్యాధికారకాలను తగ్గించుకోవచ్చని నిపుణులు తెలుపుతున్నారు.

5. బ్లాక్ టీ లో కెఫిన్ కంటెంట్ తక్కువ స్థాయిలో ఉండటం వల్ల మెదడుకు సాఫీగా రక్తసరఫరా జరగటానికి సహాయపడుతుంది. బ్లాక్ టీలో ఉన్న ఎమైనో ఆమ్లం, L-తియానిన్ ఒత్తిడిని తగ్గించడంలో కీలకపాత్రను పోషిస్తుంది. రోజువారీగా నాలుగు కప్పుల బ్లాక్ టీ తీసుకుంటే.. కార్టిసాల్ హార్మోన్ వల్ల ఒత్తిడి స్థాయిలు తగ్గుతాయి. కెఫిన్ జ్ఞాపకశక్తి, మానసిక చురుకుదనం పెరాగడానికి సహాయపడుతుంది. ఇది పార్కిన్సన్ వ్యాధి నుండి కూడా రక్షిస్తుంది.