వివాదాలకు కారణంమైన సోనియా సమాధి ఇదే

Posted: 10/17/2013 06:55 PM IST

తిరుపతి ప్రశాంత ఉద్యమం వివాదాల దిశగా పయనిస్తోంది. సమైక్య ఉద్యమ నేపథ్యంలో చేపడుతున్న వినూత్న నిరసనలు గతంలో ఎన్నడూలేని విదంగా పార్టీల నడుమ ప్రకంపనలు స్రుష్టించాయి. సరికొత్త వివాదాలకు తెరతీస్తున్నాయి. పోటా పోటీ కార్యక్రమాలు ఒక్కసారిగా ఉద్యమం పంథాను మార్చేశాయి. ఫలితంగా తిరుపతిలో తెదేపా, కాంగ్రెస్ పార్టీల మద్య ఒకింత ఉద్రిక్తతకు తెరలేచింది. ఉద్యమంలో నిరసనలు సహజమే అని ఎవరికివారు పైకి చెబుతున్నా.. అవికాస్తా ఆరని కుంపటిని రాజేస్తున్నాయి. శ్మశాన వాటికలో సోనియాకు సమాధి కట్టిన నేపథ్యంలో ప్రతిగా తెదేపా అధినేత చంద్రబాబు దిష్టిబొమ్మకు శవయాత్ర, దహన సంస్కారాలు నిర్వహించారు. సోనియాకు సమాధి కట్టిన వ్యవహారంపై పోలీసులు పదిమంది తెదేపా నాయకులపై పోలీసులు కేసులు నమోదు చేయడం గమనార్హం.

 

కాంగ్రెస్ అధినేత్రి సోనియాను అవమానించారంటూ కాంగ్రెస్ నాయకుడు రాంభూపాల్ రెడ్డి ఫిర్యాదు మేరకు అల్లరిపూరిత చర్యలు, అగౌరవపరచిన సెక్షన్ల కింద పది మంది తెదేపా నేతలపై తిరుపతిలో కేసుల నమోదయ్యాయి. మున్ముందు ఈ వ్యవహారం ఎటు దారితీస్తుందోనని సర్వత్రా ఉత్కంఠ నెలకొంది. మరోవైపున..రాష్ట్ర విభజన వద్దని..సమైక్యమే ముద్దంటూ చేపట్టిన ఉద్యమం సమైక్యవాదుల ఆగ్రహావేశాల నడుమ ఉద్ర్దుతంగా కొనసాగుతోంది. నిత్యం వినూత్న ప్రదర్శనలతో ఆకట్టుకుంటున్నారు. వేర్పాటు వాదులపై కదం తొక్కుతున్నారు. ఆంద్రప్రదేశ్ ను కలిపే ఉంచాలని అడుగడుగునా సమైక్య నినాదాలతో హోరెత్తిస్తున్నారు.

 

విభజనకారుకులపై ఆగ్రహం వ్యక్తం చేస్తున్నారు. అందరి బాటా .. మాటా ..లక్ష్యం అన్నీ ఒక్కటే సమైక్యవాదమే ఏపీఎన్జీఓల పోరాటానికి నేటి నుంచి వైద్యులు మేము సైతం అంటూ మరోసారి ఉద్యమ బాట పట్టనున్నారు. కేవలం అత్యవసరసేవలకు మాత్రమే పరిమితం కానున్నారు. మరో వైపు ఈ రోజు నుంచి మూడురోజుల పాటు కేంద్ర ప్రభుత్వ కార్యాలయాల ముట్టడి నిరాటంకంగా సాగనుంది.