Posted: 12/18/2012 06:14 PM IST

ఆరోగ్యశ్రీ పేషెంట్ల విషయంలో కార్పొరేట్‌ ఆస్పత్రుల తీరు రోజుకో రకంగా మారుతోంది.నిన్న మొన్నటి వరకు ఆరోగ్యశ్రీ కార్డు పట్టుకొచ్చిన నిరుపేదలకు రెడ్‌ కార్పెట్‌ వేసి వైద్య సేవలందించిన కార్పొరేట్‌ ఆసుపత్రులు ప్రస్థుతం తమ వైఖరి మార్చుకున్నాయి.బాగా డబ్బులొచ్చే కేసులు తప్ప మిగతావారిని చేర్చుకునేందుకు ఇష్టపడడంలేదు.ఏదో ఒక సాకు చెప్పి వెనక్కి పంపిస్తున్నారు.దివంగత రాజశేఖరరెడ్డి హయాంలో కాంగ్రెస్‌ ప్రవేశపెట్టిన అత్యుత్తమ పథకాల్లో రాజీవ్‌ ఆరోగ్యశ్రీ ఒకటి. పేదలకు ఖరీదైన వైద్యాన్ని అందుబాటులోకి తెచ్చేందుకు ఈ పథకం ప్రవేశపెట్టారు.అయితే..ఈ ఆరోగ్యశ్రీ పథకం రాజశేఖరరెడ్డికి మంచి పేరు తెచ్చిపెట్టింది.2009 ఎన్నికల్లో కాంగ్రెస్‌ పార్టీ గెలిచేందుకు ఎంతో ఉపకరించింది.అయితే..అంతటి ప్రతిష్టాకరమైన ఆరోగ్యశ్రీ పథకంపై ప్రస్తుతం నీలినీడలు కమ్ముకున్నాయి.