Posted: 09/14/2012 03:55 PM IST

సామాన్యులకు ధరలు అందుబాటులో ఉంచే ప్రభుత్వం ఒక్క యూపీఏనే అని గొప్పలు చెప్పుకుంటూనే సామాన్యుడి నడ్డి విరుస్తున్నారు.  ప్రధానమంత్రి మన్మోహన్‌సింగ్‌ అధ్యక్షతన గురువారం జరిగిన రాజకీయ వ్యవహారాల కేబినెట్‌ కమిటీ (సీసీపీఏ) సమావేశంలో ప్రభుత్వం ప్రజల పై పెను భారాన్ని మోపింది. గత కొన్ని రోజుల నుండి పెట్రోల్, డీజిల్, గ్యాస్ ధరలు పెంచుతారని ప్రజలు అనుకుంటూనే ఉన్నారు. పెట్రోల్ రేట్లను తాత్కాలికంగా  పెంచకపోయినా, డీజిల్ ధరలను మాత్రం ఒక్కసారిగా అయిదు రూపాయలు పెంచింది. అంతే కాకుండా వంట గ్యాస్ వినియోగ ధారుడిపై ఆంక్షలు విధించింది. ఒక్క కుటుంబం ఏడాదికి ఆరు సిలిండర్లను మాత్రమే వాడాలి. ఏడో సిలిండర్ కావాలంటే... అధనంగా చెల్లించాల్సి ఉంటుంది.

ఈ నిర్ణయాల వల్ల చమురు కంపెనీలకు రూ 20,300 కోట్లు అదనపు ఆదాయం సమకూరుతుంది. చమురుపై ఇస్తున్న సబ్సిడీ భారం బాగా పెరిగిపోవడంతో, దాన్ని తగ్గించుకునేందుకు ప్రభుత్వం మొదటిసారిగా 14.2 కిలోల ఎల్‌పీజీ సిలిండర్ల సరఫరాపై పరిమితి విధించింది.