Posted: 02/25/2013 11:43 AM IST

ఈ రోజు సాయంత్రం 5.56 కి శ్రీహరికోట నుంచి లాంచ్ అవుతున్న పోలార్ సెటిలైట్ లాంచ్ వెహికిల్ (పిఎస్ఎల్ వి)- సి 20 కి కౌంట్ డౌన్ మొదలైంది.  డా.కె.రాధాకృష్ణ, ఇండియన్ స్పేస్ రిసెర్చ్ ఆర్గనైజేషన్ (ఐఎస్ఆర్ వో) ఛైర్మన్ ఈ రోజు కౌంట్ డౌన్ సమయంలో పర్యవేక్షణ చెయ్యటం కోసం శ్రీహరికోటకి వచ్చారు.  ఆయన ముందుగా తిరుపతి వేంకటేశ్వర స్వామి ఆశీస్సులు కూడా తీసుకున్నారు.  229.7 టన్నుల బరువున్న పిఎస్ఎల్ వి పొడవు 44.4 మీటర్లు. ఇండో ఫ్రెంచ్ సంయుక్త కృషితో ఐఎస్ఆర్ వో రూపొందించిన 410 కిలోల బరువున్న సరల్ సాటిలైట్ ని పిఎస్ఎల్ వి ద్వారా రోదసీలో వదులుతారు. 

శ్రీహరి కోట నుంచి అంతరిక్షంలోకి ఎగిసే విఎస్ఎల్ వి లాంచ్ ని తిలకించటానికి రాష్ట్రపతి ప్రణబ్ ముఖర్జీ సందర్శిస్తున్న సందర్భంగా శ్రీహరికోటలో భారీ రక్షణ ఏర్పాట్లను చేపట్టారు.  ముఖ్యమంత్రి కిరణ్ కుమార్ రెడ్డి విమానాశ్రయంలో ఆయనకు స్వాగతం పలుకుతారు.  ఆ తర్వాత ఆయనతో పాటుగా శ్రీహరికోటకు వెళ్తారు. 

పిఎస్ఎల్ వి అంతరిక్షంలో వదిలిపెట్టబోతున్న మొత్తం ఏడు సాటిలైట్లలో సరల్ తో పాటు కెనడాకి చెందిన ఎన్ఈవోఎస్ఎస్ టి కూడా ఉంది.  ఈ సాటిలైట్ భూమికి దగ్గరగా ఉన్న ఆస్ట్రోయిడ్స్ ని, అంతరిక్షంలోని వ్యర్థాలను, జియో స్టేషనరీ ఆర్బిట్ ఉన్న సాటిలైట్లను కనిపెడుతుంది.