వైఎస్ జగన్ రాజీనామా? విజయమ్మ..?

Posted: 08/10/2013 03:42 PM IST

వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి కడప ఎంపీ పదవికి, ఆ పార్టీ గౌరవాధ్యక్షురాలు విజయమ్మ పులివెందుల ఎమ్మెల్యే పదవికి రాజీనామాలు చేయనున్నట్టు తెలుస్తోంది. ఈ మేరకు వారు స్పీకర్ ఫార్మాట్ లో రాజీనామా లేఖలను ఫాక్స్ చేశారు. ఇరు ప్రాంతాలలో కాంగ్రెస్ ఆడుతున్న నాటకాలకు నిరసనగా రాజీనామా చేసినట్లు చెబుతున్నారు. ఈ మేరకు ఇంకా అధికారిక ప్రకటన రాకపోయినా ఈ సాయంత్రం ప్రకటన వెలువడే అవకాశం ఉంది. ఈ ఉదయం పార్టీ ముఖ్యనేతలతో సమావేశమైన వైఎస్ విజయలక్ష్మి ఈ మేరకు నిర్ణయం తీసుకున్నట్లు తెలుస్తోంది. కాంగ్రెస్ పార్టీ తెలంగాణ అంశంలో ఇప్పుడు వైఎస్ ను తప్పపడుతూ మాట్లాడుతుండడానికి నిరసనగా వీరు రాజీనామా చేసినట్లు కనిపిస్తుంది. సీమాంద్రకు అన్యాయం జరుగుతోందని, కొద్ది రోజుల క్రితం విజయమ్మ, షర్మిల తీవ్రంగా వ్యాఖ్యానించారు. హైదరాబాద్ ను తెలంగాణకు ఎలా ఇస్తారని విజయమ్మ కూడా ప్రశ్నించారు. అయితే ఇప్పుడు కాంగ్రెస్, టిడిపిల ఎత్తులకు పై ఎత్తుగా వీరు ఈ రాజీనామా వ్యూహం పన్నినట్లుగా కనిపిస్తుంది.