సోనియా ముందు చిరు భావోద్వేగాలు

Posted: 08/23/2013 06:48 PM IST

కేంద్ర మంత్రి చిరంజీవి ఈరోజు కాంగ్రెస్ పార్టీ అధినేత్రితో భేటీ అయ్యారు. ఈ భేటీలో సీమాంద్ర ప్రజల భావోద్వేగాలను సోనియాకు వివరించారు. ఆ సమయంలో తాను సమైక్యవాదినని, తనపై సమైక్యవాదుల కోపాన్ని అర్థం చేసుకోగలనని సోనియాకు వివరించి చెప్పినట్లు తెలుస్తోంది. న్యాయం జరగని పక్షంలో ప్రజలకోరికను నెరవేరుస్తానని చిరంజీవి అన్నారు. కానీ అంతవరకు వస్తుందని తాననుకోవడం లేదని చిరంజీవి చెప్పారు. హైదరాబాద్ తోనే ప్రతి ఒక్కరి జీవితం ముడిపడి ఉందని, హైదరాబాద్ ను కేంద్ర పాలిత ప్రాంతం చేస్తే సమన్యాయం జరుగుతుందని భావిస్తున్నానని చిరంజీవి చెప్పారు. ఆంటోనీ కమిటీయే చివరిదని అనుకోవచ్చని, మరో కమిటి ఉంటుందని అనుకోవడం లేదన్నారు. విభజన ప్రక్రియ ముందుకు సాగుతుందని తాననుకోవడం లేదన్నారు. అలాగని వెనక్కి వెళ్తుందనీ అనుకోవచ్చని, మరో కమిటీ ఉంటుందని అనుకోవడం లేదన్నారు. ఎంపీల సస్పెన్షన్ బాధాకరమని వారి ఆందోళన న్యాయమైనదేనని చిరంజీవి అన్నారు.